Almatyda kene shaqqan jaǵdaida keńes beretin 1312 jedel jelisi iske qosyldy Almatyda kene shaqqan jaǵdaida keńes beretin 1312 jedel jelisi iske qosyldy Qaraǵandyda aýladan moped urlaǵan jigit ustaldy Qaraǵandyda aýladan moped urlaǵan jigit ustaldy
Jumysshy mamandyqtar jyly!

Dáýren Abaev aqparat jáne kommýnikatsiia ministri bolǵan 100 kúnde ne istedi?

Ult portaly
Dáýren Abaev aqparat jáne kommýnikatsiia ministri bolǵan 100 kúnde ne istedi?

Jeksenbi kúni Aqparat jáne kommýnikatsiia ministri Dáýren Abaevtyń jańa qyzmetke kelgenine 100 kún boldy. Úsh aidan asa ýaqytta onyń vedomstvosynyń qurylymdalý jumystary aiaqtaldy. Qoǵam aldaǵy ýaqytta ministrdiń jumysynda qandai ózgeristerdiń kútiletinin bilgisi keledi. Osy jáne basqa da máseleler jaily Dáýren Áskerbekuly tuńǵysh suhbatynda aityp beredi.

TENGRINEWS: 100 kún - bul sizdiń qyzmetińizdegi mejeli merzim. Qandai sezimdesiz?
Dáýren Abaev:

Jumys isteýge ynta bar. Alda áli biraz jumysty atqarý kerek. Aldymyzda turǵan tapsyrmalar ońai emes, biraq qyzyqty. Jalpy, mundai jaýapkershiligi mol jumysty atqarý men úshin kásibi turǵyda jáne jeke basyma syn. Men aamattardyń jáne el basshylarynyń úmitin aqtaǵym keledi.

TENGRINEWS: Úsh aidan asa ýaqyt ishinde sizdiń basshylyǵyńyzben jumys istep jatqan ministrlik qandai jumystardy atqaryp úlgerdi?
D. Abaev:

- Birinshiden, biz uiymdastyrýshylyqqa qatysty barlyq máseleni tolyqtai sheshtik. Shtat kestesi men biýdjet bekitilip, jumys jospary oilastyryldy. Eń bastysy, vedomstvo qajetti kadrlarmen tolyqtyryldy.

- Ekinshiden, kúzgi maýsymda memlekettik telearnalar jańa formatta, jańa jobalarmen jáne jańa habarlarmen kórsetiledi. "QazKontent" AQ qaita qurylymdalyp jatyr. Onyń internet-resýrstarynda redaktsiialyq jáne kadrlyq saiasatynda aitarlyqtai ózgerister bolady.

Eýropa chempionaty men Olimpiada oiyndaryn efirden kórsetý týraly kelissózderdiń sátti ótkenin aita ketkim keledi. Laiyqty baǵa usynysy boiynsha da kelisimge kelgenimiz qýantady.

- Úshinshiden, biz "KazSat-3" ǵarysh apparatyna qatysty barlyq testileý jumysyn aiaqtadyq. Endi memlekettik organdar, Ulttyq kompaniianyń ókilderi, biznes ókilderi otandyq bailanys spýtniginiń qyzmetterine ótip jatyr. Menińshe, bul ulttyq aqparattyq qaýipsizdikti qamtamasyz etý salasynda úlken qadam, onyń ústine onyń belgisin jalǵa alýǵa jumsalatyn qarajatty únemdeýge múmkindik beredi. 

Aitpaqshy, elimizde "OTAU TV" teletaratylymynyń "KazSat-3" spýtnigine kóshýdiń arqasynda tórt millionnan asqan abonentterin qyrkúiekte tosynsyi kútip tur.

- Tórtinshiden, halyqqa qyzmet kórsetý ortalyqtary men "Elektrondyq úkimet" arqyly memlekettik qyzmetter kórsetý sapasynyń jańa standarttary jasaldy. Qoljetimdi qyzmetter túri 50-ge kóbeiedi. Bul qyzmetterdiń birqatarynyń kórsetý ýaqytyn qysqartyp, turǵylyqty meken-jaimen bailanysyn alyp tastadyq. Sonymen qatar, "Úkimet azamattar úshin" memlekettik korporatsiiasynyń biryńǵai keńsesin qurý barysy aiaqtalýǵa jaqyn. "Ashyq úkimet" portalynda usynylatyn málimetter jiyntyǵy aitarlyqtai keńeitildi.

- Besinshiden, aqparat jáne kommýnikatsiia aiasyndaǵy zańnamalardy jetildirýge baǵyttalǵan zańdar oilastyryldy.

TENGRINEWS: Siz vedomstvonyń qajetti kadrlarmen tolyqtyrylǵanyn aityp óttińiz. Alaida barlyq jýrnalisti osy vedomstvonyń vitse-ministri kim bolatyny qyzyqtyryp otyr. Keibir sarapshylar bul qyzmetke taǵaiyndaýdyń biraz ýaqytqa sozylyp jatqanyn aityp jatyr.
D. Abaev:

Jańa vitse-ministrdiń esimin taiaý arada biletin bolasyzdar. Qazir resmi qujattamalar úshin qajetti máselelermen ainalysyp jatyrmyz. Óz atymnan ýáde beremin. Bul laýazymǵa taǵaiyndalǵan adamdy kóp jýrnalist qoldaityn bolady.

TENGRINEWS: Aqparat jáne kommýnikatsiia ministrligi elimizdegi Internetti jáne áleýmettik jelilerdi baqylaý úshin qurylǵan bolatyn. Iaǵni, endi biliktegilerdiń qazaq tildi Internetti baqylap otyrǵanyn jáne qazastandyqtardyń áleýmettik jelilerde ne jazyp jatqany jaily biledi dep aitýǵa bola ma?
D. Abaev:

Meniń atap ótkim keletini, bul ministrlik tek Internet jelisin baqylap otyrý úshin qurylǵan joq. Bul atqarylýy tiis tapsyrmalardyń biri ǵana.

Sonymen qatar, baqylaýdyń eń basty maqsaty - elimizde eń kóp kezdesetin áleýmettik problemalarǵa jedel túrde nazar aýdaryp, sol máselelermen ainalysý.

Sondyqtan men bul jerde "baqylaý" degen sózdi qoldanbaimyn. Qazirgi ýaqytta barlyǵy bir-birimen tyǵyz qarym-qatynas ornatyp, memlekettik jumystaǵy barlyq máseleni talqylap, olardy sheshý joldaryn birigip izdestirýi kerek. Men kóptegen memlekettik organ men olardyń basshylarynyń áleýmettik jelilerde belsendi bolýyna osy sebep boldy dep oilaimyn.

TENGRINEWS: Al Feisbýk jelisindegi paraqshańyzdy ózińiz júrgizesiz be?
D. Abaev:

- Iá, ol paraqshany ózim júrgizemin. Qai suraqtarǵa jaýap berýdi jáne materialdy qalai usyný qajettiligi jaily ózimniń qol astymdaǵylarmen keńesetinimdi aitpasam, ótirik aitqanym bolar. Keide jumys kestesiniń tyǵyzdyǵyna bailanysty úlgermei qalatyn kezder bolady.

Aitpaqshy, men birneshe ret oryndy keńes bergen qoldanýshylardan hat aldym. Olardy osy jumys barysynda qoldanyp ta úlgerdim.

TENGRINEWS: "Ádil sóz" qorynyń basshysy Tamara Kaleeva Qazaqstandyq BAQ týraly zańyn "Frankenshtein" dep atap, iaǵni "internet paida bolmaǵan zamanda qurylǵan zań" dep, sondyqtan jańa zań shyǵarýdy suraǵan bolatyn. Osyǵan bailanysty ministrliktegilerdiń qandai jospary bar ekenin bilgimiz kelip edi.
D. Abaev:

Men Tamara Mishadqyzymen sol kúni-aq habarlasyp, eshkimniń de mundai mańyzdy normativtik quqyqtyq aktini qabyldamaityny jaily aittym.

Qazir biz aqparattyq salada jańa zańdy jetildirý jumystaryn bastadyq. Onda biz mass-medianyń jańa tendentsiialaryn jáne internet jýrnalistikanyń qarqyndy damyp jatqanyn eskeremiz.

Jańa zańnamany qurý úshin azamattyq qoǵamdastyqtyń músheleri, jýrnalister, quqyq qorǵaýshylar men qoǵamdyq pikirdiń jetekshileri tartylady.

TENGRINEWS: Qoǵamdyq pikirdiń jetekshileri týraly aitatyn bolsaq... Jaqynda siz blogerlermen kezdestińiz. Sol kezdesý jelide de talqylaýlar boldy. Sonymen bul kezdesý ne úshin qajet boldy?
D. Abaev:

Men keibir tanymal jeli qoldanýshylarynyń olardy bul sharaǵa shaqyrmaǵandaryna ashýlanǵanyn bilemin. Osy oraida men mundai kezdesýlerdiń alda áli de bolatynyn jáne kelesi joly tizimde jańa qonaqtardyń bolatynyn aitqym keledi.

TENGRINEWS: "Tsifrlyq Qazaqstan" memlekettik baǵdarlamasynyń qabyldanǵany jaily QR Aqparat jáne kommýnikatsiia ministrligi qurylmai turyp aitqan edińizder. Alaida ol baǵdarlama áli kúnge deiin bekitilgen joq. Baǵdarlamanyń júzege asyrylmai jatqanyna ne sebep? Ol baǵdarlama qashan jumys isteitin bolady?
D. Abaev:

Baǵdarlama 2017 jyly bekitiledi. Qazir ondaǵy baǵdarlamalardy jetildirý jumystary júrgizilip jatyr.

Al Internetpen qamtý jónindegi jospar týraly aitatyn bolsaq, biz 2018 jylǵa deiin eki million aýyl turǵynyn internetpen qamtamasyz etemiz. 2019-2025 jyldar aralyǵynda taǵy 1,9 million adamdy internetpen qamtamasyz etýdi josparlap otyrmyz.

TENGRINEWS: Sońǵy eki aida eki memlekettik aqparat quralynda basshylar aýysty. Memlekettik aqparat quraldarynda jumys tiimdiligin arttyrýǵa arnalǵan kýrstar júrgizilip jatyr degen pikirler de bar. Eger de bul ras bolsa, ol kýrs qalai júzege asyrylady?
D. Abaev:

Men bul másele jaily qysqasha aityp ketken bolatynmyn. Biz "Habar" agenttigi qyzmetin optimizatsiialaý jumystaryn bastadyq. Taiaýda "Bilim jáne Mádeniet" pen "KazakhTV" telearnalary ortaq "KazakhTV" logotipimen biriktiriledi. Sondai-aq, Bnews.kz, Baq.kz, Strategy2050.kz, El.kz, e-history.kz, adebiportal.kz memlekettik internet portaldary redaktsiialarynyń saiasatyna ózgerister engiziledi.

kaz.tengrinews.kz

Oqi otyryńyz