Elorda tórinde kúres túrlerinen ótip jatqan litsenziialyq Álem chempionatynda erkin kúresten 65 kelige deiingi salmaqta Dáýlet Niiazbekov finalǵa shyqty, dep habarlaidy "Ult aqparat".
Otandasymyz jartylai finalda álemdik reitingtiń kóshin bastap turǵan úndistandyq Badjrang Pýniiany utyp, kúres túrlerinen álem chempionatynyń finalyna joldama aldy. Niiazbekovtiń qarsylasy osyǵan deiin álem chempionattarynda kúmis jáne qola júldeger atanǵan. Sondai-aq, Aziia chempionatynda eki márte chempion, sondai-aq Aziia oiyndarynda bir ret chempion atanǵan edi. Mine, osyndai tájiribeli balýandy jerlesimiz jartylai finalda jarys jolynan taidyrdy.
Jerlesimiz Niiazbekov te osal balýan emes, ol - 2013 jylǵy álem chempionatynyń qola júldegeri, úsh ret Aziia chempiony atanǵan. Endi Dáýlet álem chempionatynyń altyny úshin synǵa túsedi.
Esterińizge sala keteiik, osyǵan deiin Dáýlet Niiazbekovtyń Olimpiada oiyndaryna joldama jeńip alǵanyn jazǵan bolatynbyz.
