27 qyrkúiek kúni Qaraǵandy qalasyndaǵy Qasym eskertkishi ornalasqan alleiada «Sen netken baqytty ediń, keler urpaq...» atty dástúrli VII Qasym oqýlary ótti.
Elbasy N.Nazarbaevtyń «Bolashaqqa baǵdar: rýhani jańǵyrý» maqalasy – el Táýelsizdigin odan ári nyǵaitý boiynsha elimizdiń jastaryna arnalǵan jol kartasy. Sonyń ishinde Jalpyulttyq patriotizm uǵymyn keńeitýge baǵyttalǵan «Týǵan jer» baǵdarlamasy aiasynda Qaraǵandy oblysynda aýqymdy ister atqarylyp jatyr. Solardyń biregeii - Qazaqstannyń rýhani murasyna, jastardy ólkeniń mádeni qundylyqtaryna qatystyryp, patriottyq tárbie berý, Otanyn, elin, ultyn súiýge jáne kórkemdik oqýdy, ádebiet pen poeziiany qurmetteýge tárbieleý bolyp tabylatyn joba – «Sen netken baqytty ediń, keler urpaq...» atty dástúrli Qasym Amanjolov oqýlary.
Halqy barda Qasym jyrynyń narqy baryn 2011 jyly daýylpaz aqyn Qasym Amanjolovtyń 100 jyldyq mereitoiyn bir el bop halyqaralyq deńgeide toilaǵany aiǵaqtady. Aqynnyń ǵasyrlyq toiy qarsańynda Qaraǵandyda asqaq eskertkishi boi kóterip, dástúrli Qasym oqýlaryna jol ashylǵan bolatyn. Qońyr kúz saiyn uiymdastyrylatyn poeziia merekesin Qaraǵandy oblysynyń mádeniet, arhivter jáne qujattama basqarmasynyń qoldaýymen N.V. Gogol atyndaǵy Qaraǵandy oblystyq ámbebap ǵylymi kitaphanasy dástúrli túrde ótkizip keledi.
Biylǵy jylǵy dástúrli VII Qasym oqýlary 13 pen 21 jas aralyǵyndaǵy jastar arasynda baiqaý túrinde eki nominatsiia boiynsha ótkizilip, Úzdik arnaý men Úzdik esseni anyqtady.
Dástúrli VII ret ótetin Qasym oqýlaryna Almaty qalasynan arnaiy shaqyrylǵan Qazaqstan Jazýshylar odaǵynyń múshesi, Qazaqstan «Serper» jastar syilyǵynyń, T.Aibergenov atyndaǵy syilyqtyń jáne Memlekettik «Daryn» jastar syilyǵynyń, «Altyn qalam» qoǵamdyq syilyǵynyń iegeri, «Kentavr» ulttyq ádebi aptalyǵynyń negizin qalaýshy, «Ult.kz» ádebi internet-portalynyń jetekshisi Aqberen Elgezek jáne Qazaqstan Jazýshylar odaǵynyń Qaraǵandy oblystyq filialynyń direktory, belgili aqyn Serik Aqsuńqaruly bastaǵan Qaraǵandynyń tanymal aqyn-jazýshylar, ǵalymdar, jýrnalister qazylyq etip, baiqaý jeńimpazdaryn anyqtady.
Osy jylǵy baiqaýǵa baqtaryn synap barlyǵy aýyl, aýdan qalalardan jáne qalamyzdyń bilim ordalarynan talantty úmitkerler óz shyǵarmalaryn usyndy. Júzden júirik atanǵandar anyqtalyp, on eki jeńimpaz marapattady.
«Dúniege keler áli talai Qasym» nominatsiiasy boiynsha úzdik tanylǵandar:
Bas júlde - Baýyrjan Erman.
Birinshi oryn - Jahanshah Bádel.
Ekinshi oryn - Aidar Qamiev, Ernur Tóken.
Úshinshi oryn - Ardaq Toilybaeva, Eldos Sovetov.
«Qazaq aspanynda – Qasym rýhy» nominatsiiasy boiynsha úzdik tanylǵan:
Bas júlde - Aiajan Amangeldinova
Birinshi oryn- Dosjan Nurbol
Ekinshi oryn - Qaraqat Qurmasheva, Daria Ershova
Úshinshi oryn - Jaqan Saǵynysh, Qydyrma Aian
Qaraǵandy oblystyq etnoetnomádeni birlestikteri ókilderi Q.Amanjolovtyń óleńderin túrik, nemis, ózbek, qyrǵyz, orys tilderinde oqydy.
Alańda Q.Amanjolov ómiri men shyǵarmashylyna bailanysty «Qazaq jyrynyń aldaspany»taqyrybynda viktorina, krossvord, oiyndar júrgizildi. Oqyrmandar nazaryna «Qyran qanatty aqyn» atty kitap kórmesi usynylady.
