Jeńilatlet Olga Rypakova Olimpiada ashylý saltanatynda qazaqtyń ulttyq kiimimen tý ustap shyǵyp, sulýlyǵymen japon jurtyn tánti etti, - dep habarlaidy Tengrinews.kz. Twitter-de japon qoldanýshylary onyń sýretin jariialap, tań-tamasha bolyp jatyr.
Nikkansports.com saitynyń málimetinshe, jelide Olga Rypakovaǵa "Oiyndar hanshaiymy" degen at berilipti. Oǵan shyqqan obrazy men súiemeldengen áýen sebep bolǵan. (Tokio Olimpiadasynyń ashylý rásiminde Final Fantasy trekteri men japonnyń basqa da kompiýterlik oiyndaryndaǵy áýender oinaǵan).
"Menińshe, ázirshe ol eń ádemi týustar".
"Aty-jónin aityp jibere alasyzdar ma? Sondai áserli".
"Aq betperdesi kostiýmge ózgeshe syr beredi, ǵajap sulýlyq syilaidy! Muny oilastyrǵan adam, - tamasha eńbek!"
"Men bul Zelda hanshaiym eken dep oiladym" (The Legend of Zelda oiynyndaǵy bas keiipkerlerdiń biri - red.esk.)
"Qazaqstannyń týustary ǵajap. Disneidiń qai mýltfilminensiz?"
"Buǵan deiin mundai ádemi olimpiadalyq kostiým kórmeppin. Hanzada men Hanshaiym".
Vesti.kz saitynyń málimetinshe, Qazaqstan quramasyna kostiýmder daiyndaýda jáne ulttyq oiý-órnekterdiń simvolikasy men olardy qoldaný dástúrleri boiynsha Ábilhan Qasteev atyndaǵy Memlekettik óner mýzeiiniń sándik-qoldanbaly óneri jónindegi ǵylymi qyzmetkerleri keńes bergen.
"Bul kostiýmderge biregei, zamanaýi jáne dástúrli dep bir sipattama berýge bolady. Bul ákki sheberler jasaǵan joǵary sán týyndylary, men olarǵa keremet jumysy úshin alǵys aitamyn", - dep keltiredi Rypakovanyń sózin olympic.kz.
Olga Rypakova - uzyndyqqa sekirýden jáne úsh qarǵyp sekirýden azaqstandyq jeńilatlet. London Olimpiadasynyń chempiony (2012), Beijiń Olimpiadasynyń kúmis júldegeri (2008) jáne Rio-de-Janeiro Olimpiadasynyń qola júldegeri (2016).
