Búgin «Daryn» memlekettik jastar syilyǵyna úmitkerlerdiń qujattaryn qabyldaý bastaldy, dep habarlaidy "Ult aqparat".
Bul týraly Aqparat jáne qoǵamyq damý ministrligi Jastar jáne otbasy isteri komitetiniń tóraǵasy Shahmardan Baimanov ortalyq kommýnikatsiialar qyzmetinde ótken brifingide aitty.
«2021 jylyǵy 20 mamyrdan «Daryn» syilyǵyna úmitkerlerdiń qujattaryn qabyldaý bastaldy. Barlyq talantty jastardy atalǵan baiqaýǵa qatysýǵa shaqyramyz. Ótinimderdi qabyldaý bizde 10 tamyzǵa deiin júrgiziledi. Tolyq málimet Aqparat jáne qoǵamdyq damý ministrliginiń resmi saitynda qoljetimdi. «Daryn» syilyǵyna úmitkerlerge qoiylatyn negizgi talap – syilyq alýǵa ótinimderdi qabyldaý aiaqtalǵanǵa deiingi sátte jasy 29-ǵa tolmaǵan bolýy kerek. Úmitker jastardy ortalyq, jergilikti memlekettik organdar, oqý oryndary, shyǵarmashylyq uiymdar men qoǵamdyq birlestikter usyna alady», - dedi ministrlik ókili.
Onyń aitýynsha, syilyq aiasynda beriletin nominatsiia tizimi ózgermegen.
«Baiqaý ádebiet, ǵylym, dizain jáne beineleý óneri, jýrnalistika, klassikalyq mýzyka, qoǵamdyq qyzmet, sport, teatr jáne kino,estrada, halyq shyǵarmashylyǵy atty 10 nominatsiia boiynsha ótedi. Ózderińizge belgili, «Daryn» memlekettik jastar syilyǵyn talantty, belsendi shyǵarmashylyq, halyqaralyq jáne respýblikalyq konkýrstar men festivaldardyń, túrli sharalardyń laýreattary, respýblikalyq jáne halyqaralyq deńgeidegi sporttyq jarystardyń júldegerleri men jeńimpazdary, sondai-aq, túrli qalalarda qoǵamdyq damytýda súbeli úles qosyp júrgen Qazaqstan Respýblikasynyń 29 jasqa deiingi azamattary qatysa alady. Búginge deiin 294 adam «Daryn» memlekettik jastar syilyǵynyń iegeri atandy», - dedi Shahmardan Baimanov.
