«Darmen» almatylyqtardy jer silkinisi týraly nege habardar etpedi? Bul týraly mobildik qosymshany jasaýshylar aityp berdi, – dep habarlaidy QazAqparat.
«Darmen» mobildik qosymshasy halyqqa jer silkindi dep qana habar taratady. Bul qurylǵy jer terbelisin boljai almaidy. Qazirgi ýaqytta júie Almaty ainalasynda ornalasqan datchiktermen biriktirilgen. Bul qurylǵylar óte az. Jer dúmpýi 17 jáne 19 qańtarda boldy. Turǵyndardan jii qoiylatyn saýaldardyń biri ol nege eskertý jasamady degen suraq. Bizde jylyna 12 myńǵa deiin jer silkinisi tirkeledi. Smatrfondaryńyzǵa eger jer silkinisi 6,1 baldyq shamada bolsa ǵana eskertý keledi»,– dedi «Darmen» mobildi qosymshany jasaý tobynyń ókili Vladimir Kýchkin.
Óz kezeginde seismologiia institýtynyń aimaqtyq seismikalyq zerthanasynyń meńgerýshisi Alla Sadyqova onymen kelispedi.
«Erterek aldyn ala eskertý júiesi ol datchikter. P- tolqyny paida bolǵan kezde belgili bir seismikalyq terbelistiń amplitýdasy áser etetin qurylǵy. Sondyqtan ekinshi kóldeneń C-tolqynnyń kelýine deiin, qashyqtyqqa bailanysty birneshe sekýndta ol avtomatty túrde iske qosylady. Bul poiyzdardyń qozǵalysyn toqtatý, elektr qýatyn, gazdy, sýdy óshirý úshin qajet. Bul júie jer silkinisinen halyqty habardar ete almaidy. Tipti siz P-tolqynynan keiin, S-tolqynynyń keletinin bilseńiz de 10 sekýndtta eshqandai shara qoldanyp úlgermeisiz. Bul qurylǵy kommýnaldyq júielerdi avtomatty túrde ajyratýǵa arnalǵan. Qazir «Darmen» júiesi bar. Japoniiada ár úide, ár mekemede jer terbelisterdiń belgili bir amplitýdasyna jaýap beretin datchikter qoiylǵan. Qurylǵy dabyl qaǵyp turady. Sol kezde siz ekinshi tolqyn kelgenshe sheshim qabyldap úlgeresiz», - deidi Alla Sadyqova.
Sonymen qatar ol TJD qyzmetkerlerine qarat: «Qurmetti TJD qkilderi! «Darmen» júiesi ábden daiyn bolǵan kezde ǵana iske qosý qajet. Áitpese bul qalada dúrbeleń týdyrýy múmkin»,- dep atap ótti ol.
Eske salaiyq, sońǵy birneshe kúnde almatylyqtar birqatar jer silkinisin sezdi.
Alǵashqysy 17 qańtar kúni saǵat 22.09-da tirkeldi. Zilzala oshaǵy Almaty qalasynan 368 shaqyrym jerde Qytai aýmaǵynda ornalasqan.
Ekinshi ret 19 qańtar kúni 19 saǵat 30 minýtta boldy. Bul joly jer dúmpýi 3-4 ball kóleminde sezildi. Búgin 20 qańtarda túske deiin, jer silkinisi Almaty oblysynda tirkeldi.
