Túrkistan oblysynyń ákimi Darhan Satybaldy Arys qalasyna jumys saparymen baryp, turǵyndarmen kezdesti. Eldiń kókeikesti suraqtaryna jaýap berip, óńirdi, aýdandy damytý baǵytyndaǵy josparlaryn aitty.
«Tarihy tereńde jatqan Arys shaharynyń óndiristik jáne tranzittik múmkindigi joǵary. Biz qalanyń osy artyqshylyǵyn tiimdi paidalanýymyz kerek. Ózderińiz bilesizder, apattan keiin Arysty qalpyna keltirýge memleket tarapynan úlken qoldaý kórsetildi. Qalanyń áleýmettik-ekonomikalyq damýy qarqyndy. Bul jumystar ári qarai da jalǵasyn tabatyn bolady. Arysqa gaz keldi. Bul arystyqtar úshin kópten kútken sát. Jýyrda elimizde sailaý bolyp, halyq óz Prezidentin sailady. Prezident Qasym-Jomart Kemeluly Túrkistan oblysyna jasaǵan saparynda oblysty ári qarai damytýdy tapsyrdy. Osy baǵytta jumys júredi», - dedi oblys ákimi Darhan Satybaldy.
Turǵyndar tarapynan jylýdy gaz júiesine aýystyrý, joldardy jóndeý, kásipkerlikke qoldaý jáne ózge de máselelerdi kóterdi.
Óńir basshysy suraqtarǵa jaýap berip, árbir ótinish nazarǵa alynatynyn jetkizdi.
Osy saparynda oblys ákimi qaladaǵy áskeri bólimge bardy. Strategiialyq nysanda eńbek etetin áskerilerdiń turmys-tirshiligimen tanysty. Oq-dárilerdi zalalsyzdandyrýǵa qatysty qoǵam tarapynan týyndaityn ózekti máselelerdi ońtaily sheshýdiń joldaryn qarastyrdy. Áskeri bólim aýmaǵynda ornalasqan 13 500 sharshy metrdi quraityn ǵimarattyń jaǵdaiyn kórdi. Jýyrda ǵana qala ákimdiginiń menshigine qabyldanǵan bul ǵimaratta 250 oqýshynyń bilim alýyna arnalǵan 12 oqý kabineti men arnaiy kitaphanasy jáne 500 oryndyq akt zaly bar. Nysan kúrdeli jóndeýden ótip, qoldanysqa berilgen jaǵdaida Arys qalasy turǵyndary úshin tiimdiligi zor mádeniet saraiyna ainalady.
Arysqa gaz keldi. Búgingi tańda Arys qalasyn tabiǵi gazǵa qosý úshin Ordabasy aýdanyndaǵy №19 «Temirlan» AGTS-nan Arys qalasyna deiin 41,2 shaqyrym gaz qubyry tartylǵan. Sondai-aq qalany tabiǵi gazben qamtamasyz etý úshin 15,6 shaqyrym jetkizgish gaz qubyry júrgizilip, 6 dana gazdy retteý pýnkti (GRP) ornatyldy jáne qysymdaý jumystary júrgizildi. Nátijesinde toǵyz shaǵynaýdan tabiǵi gazǵa qosyldy.
Oblys ákimi Orta Aziiada balamasy joq polivinilhlorid túiirshikteri men arnaiy qospasyn shyǵaratyn zaýyt jobasymen tanysty. 7,5 gektar aýmaqqa ornalasqan kásiporyn aiyna 600 tonna ónim shyǵarýǵa qaýqarly. Qajetti shikizat qazirgi kezde Qytai men Túrkiia jáne Reseiden tasymaldanady. Jobanyń jalpy quny 1 mlrd. teńgeni quraidy.
Zaýyt iske qosylǵanda keminde 25 adamdy turaqty jumyspen qamtymaq. Kásiporyn tolyq qýatyna engende óz ónimderin respýblika aýmaǵynan bólek, Túrkiia, Bolgariia, Tájikstan, Ózbekstan elderine eksporttaýdy kózdep otyr. Aita keteiik, polivinilhlorid joǵary ekonomikalyq tiimdiligi men óndiristiń túrli salalarynda qoldanylýy arqasynda álemdik suranysqa ie birden-bir material sanalady.
Sondai-aq seriktestik aýmaǵynda ornalasqan qurylysqa qajetti tóbe jabyny men qabyrǵa panelderin, rezeńkeli jol kedergileri men káriz qubyrlaryn shyǵaratyn óndiristik tseh jumys isteýde.
Búgingi tańda atalǵan tsehta 30 adamdy turaqty jumyspen qamtyp otyrǵan bul jobaǵa investor 600 mln. teńgesin jumsaǵan. Seriktestik óz ónimderin respýblika aýmaǵynan bólek, alys-jaqyn shetelge eksporttaýdy qolǵa alǵan.
Temirjoldyń kireberis jolymen jabdyqtalǵan ortalyqta júk kólikteriniń tasymaldaý qyzmeti men kedendik qyzmet túrleri de ózara úilestirilgen. Oǵan qosa, kásiporynnyń kólik-logistikalyq ortalyǵy bir mezette 1000-1200 tonna júk saqtaýǵa qaýqarly. Jalpy quny 80 mln. teńgeni quraityn ortalyq 15 turǵyndy turaqty jumyspen qamtidy.
