Májilis depýtaty Darhan Myńbai memlekettik organdardyń internet-resýrstarynda ornalastyrlyǵan aqparatty synǵa aldy, dep habarlaidy QazAqparat.
«Memlekettik organdardyń internet-resýrstarynyń monitoringi kórsetkendei, bólimderdiń kópshiligi aqparatpen tolyqtyrylmaidy, ne aqparat deklarativti sipatta nemese eski bolady. Mysaly, Aýyl sharýashylyǵy ministrliginiń internet-resýrsynda: «Aýyl sharýashylyǵy ónimderiniń baǵasy» bóliminde tiisti aqparat joq, sońǵy ret 2020 jylǵy qarashada jańartylǵan. Onyń ornyna sybailas jemqorlyq deńgeiin qysqartý boiynsha joba ornalastyrylǵan. Al Memleket basshysy Ekibastuz qalasynda ótken keńeste azyq-túlik taýarlarynyń baǵasy 10,4 paiyzǵa qymbattaǵanyn, kókónis baǵasynyń da sharyqtap turǵanyn qatty synǵa aldy», - dedi D. Myńbai Májilistiń jalpy otyrysynda Úkimet basshysynyń orynbasary Roman Skliardyń atyna joldaǵan saýalynda.
Onyń aitýynsha, Ishki ister ministrliginiń internet-resýrsynda strategiialyq jospar jáne ony iske asyrý týraly esep túr, memlekettik organ qyzmetiniń tiimdiligin baǵalaý qorytyndylary joq.
Eńbek jáne halyqty áleýmettik qorǵaý ministrliginiń internet-resýrsynda: «Statistikalyq salalyq derekter» bóliminde tiisti aqparat joq. Onyń ornyna ázirlengen normativtik quqyqtyq aktiler jobalary ornalastyrylǵan.
«Taǵy bir jii kezdesetin mysal. Qoǵamdyq densaýlyq saqtaý basqarmasynyń nemese aýrýhananyń saitynda № 375 qaýly boiynsha habarlandyrý beriledi:
1. Satyp alý (bastalý kúni).
2. Qyzmetkerler habarlandyrýdy eń basynan jasyrady.
3. Habarlandyrý ilýli jáne kórinbeitin rejimde turady.
4. Ótinimderdi berý kúni aiaqtalǵanda habarlandyrý iske qosylady (qoljetimdilik ashylady)», - dedi D. Myńbai.
Zańnyń 16-babynda kvazimemlekettik sektor sýbektileri ózderiniń internet-resýrstarynda ornalastyrýy tiis aqparat tizbesi de kózdelgen. Soǵan qaramastan, olardyń internet-resýrsynyń bólimderindegi aqparattyń kópshiligi jańartylmaidy nemese múlde tolyqtyrylmaidy.
«Zerde» ulttyq infokommýnikatsiia holdingi» AQ internet-resýrsynda:
- bos laýazymdar boiynsha aqparat (jariialanǵan bos laýazymdar, bos laýazymdarǵa ornalasý úshin kandidattarǵa qoiylatyn biliktilik talaptary, bos laýazymdar týraly aqparat alý úshin telefon nómirleri) jazylmaǵan.
«Derekterdiń tolyqtyrylmaýy «Elektrondyq úkimet» veb-portalynda da baiqalady. Ashyq úkimet komponentterin paidalanýshylar qaldyrǵan pikirler jaýapsyz qalady nemese olarǵa syrǵytpa jaýap beriledi. «Ashyq derekter» portalyn tolyqtyrý ylǵi keshiktiriledi. Bizdiń oiymyzsha, qajetti, obektivti jáne shynaiy aqparattyń bolmaýy shyndyqtyń burmalanýyna ákep soqtyrady. Sondyqtan, jurtshylyq úshin, onyń ishinde BAQ qyzmetkerleri úshin obektivti aqparatqa qol jetkizý jeńil, tez jáne tiimdi bolatyn jaǵdailar jasaý mańyzdy. Bul kez kelgen órkenietti qoǵam úshin jáne bizdiń elimiz úshin ózekti bolyp otyr»., - dedi ol.
Aqparatqa qoljetimdilik jaǵdaiyn jaqsartý maqsatynda, mynadai usynystardy qaraýdy suraldy:
1) joǵaryda keltirilgen mysaldar boiynsha taldaý jasalyp, aldaǵy ýaqytta zańsyzdyqtarǵa jol bermeý mehanizmi qarastyrylsyn;
2) atalǵan Zańnyń 6-2-babyna sáikes aqparatqa qol jetkizý salasyndaǵy ýákiletti organ ministrlikter men basqa kvazimemlekettik sýbektilerdiń qyzmetine monitoring jáne vedomstvoaralyq úilestirý boiynsha jumysyn BAQ-ta jáne áleýmettik jelilerde udaiy jariialap otyrsyn.
3) internet-resýrstarda jáne «elektrondyq úkimet» veb-portalynda derekterdi jańartý úshin memlekettik organdardyń is-qimyldarynyń barynsha ashyqtyǵyn qamtamasyz etý;
4) memlekettik organdardyń aqparatqa qol jetkizý salasyndaǵy qyzmetin qoǵamdyq keńester baqylaýǵa alsyn.
