مەجٸلٸس دەپۋتاتى دارحان مىڭباي مەملەكەتتٸك ورگانداردىڭ ينتەرنەت-رەسۋرستارىندا ورنالاستىرلىعان اقپاراتتى سىنعا الدى, دەپ حابارلايدى قازاقپارات.
«مەملەكەتتٸك ورگانداردىڭ ينتەرنەت-رەسۋرستارىنىڭ مونيتورينگٸ كٶرسەتكەندەي, بٶلٸمدەردٸڭ كٶپشٸلٸگٸ اقپاراتپەن تولىقتىرىلمايدى, نە اقپارات دەكلاراتيۆتٸ سيپاتتا نەمەسە ەسكٸ بولادى. مىسالى, اۋىل شارۋاشىلىعى مينيسترلٸگٸنٸڭ ينتەرنەت-رەسۋرسىندا: «اۋىل شارۋاشىلىعى ٶنٸمدەرٸنٸڭ باعاسى» بٶلٸمٸندە تيٸستٸ اقپارات جوق, سوڭعى رەت 2020 جىلعى قاراشادا جاڭارتىلعان. ونىڭ ورنىنا سىبايلاس جەمقورلىق دەڭگەيٸن قىسقارتۋ بويىنشا جوبا ورنالاستىرىلعان. ال مەملەكەت باسشىسى ەكٸباستۇز قالاسىندا ٶتكەن كەڭەستە ازىق-تٷلٸك تاۋارلارىنىڭ باعاسى 10,4 پايىزعا قىمباتتاعانىن, كٶكٶنٸس باعاسىنىڭ دا شارىقتاپ تۇرعانىن قاتتى سىنعا الدى», - دەدٸ د. مىڭباي مەجٸلٸستٸڭ جالپى وتىرىسىندا ٷكٸمەت باسشىسىنىڭ ورىنباسارى رومان سكلياردىڭ اتىنا جولداعان ساۋالىندا.
ونىڭ ايتۋىنشا, ٸشكٸ ٸستەر مينيسترلٸگٸنٸڭ ينتەرنەت-رەسۋرسىندا ستراتەگييالىق جوسپار جەنە ونى ٸسكە اسىرۋ تۋرالى ەسەپ تٷر, مەملەكەتتٸك ورگان قىزمەتٸنٸڭ تيٸمدٸلٸگٸن باعالاۋ قورىتىندىلارى جوق.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ ينتەرنەت-رەسۋرسىندا: «ستاتيستيكالىق سالالىق دەرەكتەر» بٶلٸمٸندە تيٸستٸ اقپارات جوق. ونىڭ ورنىنا ەزٸرلەنگەن نورماتيۆتٸك قۇقىقتىق اكتٸلەر جوبالارى ورنالاستىرىلعان.
«تاعى بٸر جيٸ كەزدەسەتٸن مىسال. قوعامدىق دەنساۋلىق ساقتاۋ باسقارماسىنىڭ نەمەسە اۋرۋحانانىڭ سايتىندا № 375 قاۋلى بويىنشا حابارلاندىرۋ بەرٸلەدٸ:
1. ساتىپ الۋ (باستالۋ كٷنٸ).
2. قىزمەتكەرلەر حابارلاندىرۋدى ەڭ باسىنان جاسىرادى.
3. حابارلاندىرۋ ٸلۋلٸ جەنە كٶرٸنبەيتٸن رەجيمدە تۇرادى.
4. ٶتٸنٸمدەردٸ بەرۋ كٷنٸ اياقتالعاندا حابارلاندىرۋ ٸسكە قوسىلادى (قولجەتٸمدٸلٸك اشىلادى)», - دەدٸ د. مىڭباي.
زاڭنىڭ 16-بابىندا كۆازيمەملەكەتتٸك سەكتور سۋبەكتٸلەرٸ ٶزدەرٸنٸڭ ينتەرنەت-رەسۋرستارىندا ورنالاستىرۋى تيٸس اقپارات تٸزبەسٸ دە كٶزدەلگەن. سوعان قاراماستان, ولاردىڭ ينتەرنەت-رەسۋرسىنىڭ بٶلٸمدەرٸندەگٸ اقپاراتتىڭ كٶپشٸلٸگٸ جاڭارتىلمايدى نەمەسە مٷلدە تولىقتىرىلمايدى.
«زەردە» ۇلتتىق ينفوكوممۋنيكاتسييا حولدينگٸ» اق ينتەرنەت-رەسۋرسىندا:
- بوس لاۋازىمدار بويىنشا اقپارات (جارييالانعان بوس لاۋازىمدار, بوس لاۋازىمدارعا ورنالاسۋ ٷشٸن كانديداتتارعا قويىلاتىن بٸلٸكتٸلٸك تالاپتارى, بوس لاۋازىمدار تۋرالى اقپارات الۋ ٷشٸن تەلەفون نٶمٸرلەرٸ) جازىلماعان.
«دەرەكتەردٸڭ تولىقتىرىلماۋى «ەلەكتروندىق ٷكٸمەت» ۆەب-پورتالىندا دا بايقالادى. اشىق ٷكٸمەت كومپونەنتتەرٸن پايدالانۋشىلار قالدىرعان پٸكٸرلەر جاۋاپسىز قالادى نەمەسە ولارعا سىرعىتپا جاۋاپ بەرٸلەدٸ. «اشىق دەرەكتەر» پورتالىن تولىقتىرۋ ىلعي كەشٸكتٸرٸلەدٸ. بٸزدٸڭ ويىمىزشا, قاجەتتٸ, وبەكتيۆتٸ جەنە شىنايى اقپاراتتىڭ بولماۋى شىندىقتىڭ بۇرمالانۋىنا ەكەپ سوقتىرادى. سوندىقتان, جۇرتشىلىق ٷشٸن, ونىڭ ٸشٸندە باق قىزمەتكەرلەرٸ ٷشٸن وبەكتيۆتٸ اقپاراتقا قول جەتكٸزۋ جەڭٸل, تەز جەنە تيٸمدٸ بولاتىن جاعدايلار جاساۋ ماڭىزدى. بۇل كەز كەلگەن ٶركەنيەتتٸ قوعام ٷشٸن جەنە بٸزدٸڭ ەلٸمٸز ٷشٸن ٶزەكتٸ بولىپ وتىر»., - دەدٸ ول.
اقپاراتقا قولجەتٸمدٸلٸك جاعدايىن جاقسارتۋ ماقساتىندا, مىناداي ۇسىنىستاردى قاراۋدى سۇرالدى:
1) جوعارىدا كەلتٸرٸلگەن مىسالدار بويىنشا تالداۋ جاسالىپ, الداعى ۋاقىتتا زاڭسىزدىقتارعا جول بەرمەۋ مەحانيزمٸ قاراستىرىلسىن;
2) اتالعان زاڭنىڭ 6-2-بابىنا سەيكەس اقپاراتقا قول جەتكٸزۋ سالاسىنداعى ۋەكٸلەتتٸ ورگان مينيسترلٸكتەر مەن باسقا كۆازيمەملەكەتتٸك سۋبەكتٸلەردٸڭ قىزمەتٸنە مونيتورينگ جەنە ۆەدومستۆوارالىق ٷيلەستٸرۋ بويىنشا جۇمىسىن باق-تا جەنە ەلەۋمەتتٸك جەلٸلەردە ۇدايى جارييالاپ وتىرسىن.
3) ينتەرنەت-رەسۋرستاردا جەنە «ەلەكتروندىق ٷكٸمەت» ۆەب-پورتالىندا دەرەكتەردٸ جاڭارتۋ ٷشٸن مەملەكەتتٸك ورگانداردىڭ ٸس-قيمىلدارىنىڭ بارىنشا اشىقتىعىن قامتاماسىز ەتۋ;
4) مەملەكەتتٸك ورگانداردىڭ اقپاراتقا قول جەتكٸزۋ سالاسىنداعى قىزمەتٸن قوعامدىق كەڭەستەر باقىلاۋعا السىن.
