Alash qairatkerlerin bir-birine qarsy qoiýdy toqtatý kerek. Mundai pikirdi búgin Sarap Time sarapshylar klýbynyń «Tarihi sana jáne qoǵamnyń rýhani qaýipsizdigi» taqyrybyndaǵy otyrysynda Halyqaralyq Túrki akademiiasynyń prezidenti Darhan Qydyráli bildirdi, dep habarlaidy QazAqparat.
«Bizge 1930 jyldardaǵy materialdardy sol qalpynda baǵalaýǵa bolmaidy. Máselen, bir hattardy ala salyp, bular bir-birin satty, bir-biriniń ústinen aryz jazdy dep aitý sol kezeńdi bilmeýden týǵan nárse. Keide bir-birin qorǵaý úshin jazdy, aralaryna jansyz otyrǵyzdy. Keide kúshtep qol qoidyrdy. Tipti, aldaryna balalaryn ákep qinaý arqyly da qol qoidyryp aldy. Bul búkil otbasyna túsken qasiret edi. KARLAG, ALJIR-de áielderiniń de, balalarynyń da qanshalyqty azapqa túskenin bilemiz. Sondyqtan Alash qairatkerlerin bir-birine qarsy qoiýdy toqtatý kerek dep oilaimyn», - dedi ol.
Onyń aitýynsha, 1930 jyldarda jariialanǵan materialdardy kórý, jariialaý bir basqa. Al olardy saraptama jasaý, taldaý tarihshylardyń enshisindegi másele.
«Sondyqtan biz ult bolý jolynda bul kezeńnen taǵylym ala otyryp, rýhani jańǵyrýda úlken qadam jasaýymyz qajet», - dedi Darhan Qydyráli.
