QR Qoǵamdyq damý ministri Darhan Káletaev Qazaqstanda úkimettik emes sektordyń damýyna tosqaýyl bolyp turǵan problemany atady, dep habarlaidy QazAqparat.
«Úkimettik emes sektordy damytýdyń aǵymdaǵy problemasyna toqtalsaq, tirkelgen zańdy tulǵalar bazasynda áreketsiz úkimettik emes uiymdar óte kóp. Shamamen ÚEU-lardyń úshten biri elimizde jumys istemeidi, al Astanaǵa mundai ÚEU-lardyń 1 myńǵa jýyǵy tiesili jáne olardyń tarapynan eshqandai áreket baiqalmaidy. Osynyń ishinde tek 52 úkimettik úmes uiym jabylý kezeńinde tursa, qalǵandary áreketsiz nemese jumystaryn ýaqytsha toqtatyp qoiǵan», - dedi Káletaev «Azamattyq qoǵam jáne memleket» atty qalalyq forýmda.
Osy oraida ol memleket jumys istemei turǵan ÚEU-lardyń problemasyn sheshý maqsatynda tiisti sharalardy qabyldaǵanyn atap ótti.
«Zańdy tulǵalardy jabý rásimderiniń kúrdeli problemasy bar. Memleket basshysynyń Joldaýyn oryndaý aiasynda Úkimet kóleńkeli ekonomikany tómendetý boiynsha sharalardy iske asyrýda. Birinshiden, negizgi qaryzdy japqan jaǵdaida aiyppul men ósimpuldy joiatyn tetikti qamtityn salyqtyq amnistiia eskerilgen. Ekinshiden, salyqtyq quqyq buzýshylyqty qylmys dep tanymaý qadamy. Úshinshiden, bankrottyqty saýyqtyrý rásimderin jetildirý qarastyrylǵan», - dedi ol.
Bul turǵyda atalǵan rásim 9 aidan bastap birneshe jylǵa deiin sozylady eken. Endi bankrottyqty saýyqtyrý rásimi eki apta ǵana ýaqytty qamtýy múmkin.
