Meditsinalyq qyzmetkerler kómek kórsetýge barǵan kezde shlagbaým, arnaiy kartochkany qajet etetin aqyly liftter kedergi keltiretinin aitady. Bul týraly Nur-Sultan qalasy ákimi Altai Kólginov halyqqa esep berý kezdesýinde aitty, dep habarlaidy QazAqparat.
«Sońǵy 20 jylda adamnyń ortasha ómir súrý uzaqtyǵy 10 jylǵa uzardy. 2000 jyldyń basynda ortasha ómir súrý uzaqtyǵy 65 jas bolsa, qazirgi ýaqytta 76 jasqa uzarǵan. Bul ómir sapasynyń jaqsarǵandyǵynyń belgisi. Al qaladaǵy jaǵdaiǵa keletin bolsaq, densaýlyq saqtaý nysandaryna aitarlyqtai salmaq túsýde. Byltyr 12 obekt ashtyq jáne onyń sany kóbeie beredi. Memlekettik baǵdarlama boiynsha salynǵan úilerdiń birinshi qabatynda osyndai obekt ashatyn bolamyz. Ýálihanov kóshesindegi úidiń birinshi qabatynda ashylǵan siiaqty Uly dala jáne Beisekov kóshesindegi úilerdiń birinshi qabatynda emhana, ońaltý ortalyǵy, shaǵyn ortalyq jáne ýchaskelik politsiia pýnkti ashylady», - deidi Altai Kólginov.
Ol meditsina qyzmetkerleri nege shaǵymdanatynyn aitty.
«Meditsinalyq qyzmetkerler jedel meditsinalyq kómek kórsetýge barǵan kezde shlagbaým, arnaiy kartochkany qajet etetin aqyly liftter kedergi keltiretinin aitady. Biz naýqasqa kedergisiz jetý úshin jaǵdai jasaýymyz kerek. Ortalyq temirjol aýrýhanasy apatty jaǵdaida. Onyń qasyndaǵy áskeri emhanaǵa jóndeý jumystaryn júrgizip, jyl basynda osy aýrýhanany sonda kóshirdik. Bul máseleni túbegeili sheshý úshin investorlardy tarta otyryp, memlekettik jeke seriktestik boiynsha Saryarqa aýdanynda kópsalaly jańa aýrýhana salmaqpyz», - deidi ol.
