QR Densaýlyq saqtaý birinshi vitse-ministri Marat Shoranov dárigerlerdiń jalaqysyn kóterý jospary jaiynda aitty, dep habarlaidy QazAqparat.
«Meditsina qyzmetkerlerin áleýmettik qoldaý qadamdaryn memleket basshylyǵy erekshe baqylaýda ustap otyr. Memleket basshysy kezeń-kezeńmen dárigerlerdiń jalaqysyn kóterý mindetin qoidy. 2023 jylǵa qarai dárigerlerdiń eńbekaqysy ekonomikadaǵy ortasha jalaqydan eki jarym ese joǵary deńgeige jetedi dep boljanýda», - dep toqtaldy birinshi vitse-ministr Ortalyq kommýnikatsiialar qyzmetinde.
Onyń aitýynsha, qazirgi kezde elimizde 247 myń meditsina qyzmetkeri jumys istep jatyr. Osy oraida jalaqyny kóterýdi eskere otyryp, 2021 jylǵa 222 mlrd teńge qarastyrylǵan. Sonymen qatar, 2022 jyly – 362 mlrd teńge, 2023 jyly - 557 mlrd teńge bólinbek.
«2021 jyly dárigerlerdiń ortasha jalaqysy shamamen 320 myń teńge bolady. 2023 jyly 560 myń teńgege deiin jetedi. 2021 jyly orta meditsina qyzmetkerleriniń ortasha jalaqysy 173 myń teńgeni qurasa, 2023 jyly 210 myń teńgege jetedi», - dedi Marat Shoranov.
