قر دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ دەرٸگەرلەردٸڭ جالاقىسىن كٶتەرۋ جوسپارى جايىندا ايتتى, دەپ حابارلايدى قازاقپارات.
«مەديتسينا قىزمەتكەرلەرٸن ەلەۋمەتتٸك قولداۋ قادامدارىن مەملەكەت باسشىلىعى ەرەكشە باقىلاۋدا ۇستاپ وتىر. مەملەكەت باسشىسى كەزەڭ-كەزەڭمەن دەرٸگەرلەردٸڭ جالاقىسىن كٶتەرۋ مٸندەتٸن قويدى. 2023 جىلعا قاراي دەرٸگەرلەردٸڭ ەڭبەكاقىسى ەكونوميكاداعى ورتاشا جالاقىدان ەكٸ جارىم ەسە جوعارى دەڭگەيگە جەتەدٸ دەپ بولجانۋدا», - دەپ توقتالدى بٸرٸنشٸ ۆيتسە-مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا, قازٸرگٸ كەزدە ەلٸمٸزدە 247 مىڭ مەديتسينا قىزمەتكەرٸ جۇمىس ٸستەپ جاتىر. وسى ورايدا جالاقىنى كٶتەرۋدٸ ەسكەرە وتىرىپ, 2021 جىلعا 222 ملرد تەڭگە قاراستىرىلعان. سونىمەن قاتار, 2022 جىلى – 362 ملرد تەڭگە, 2023 جىلى - 557 ملرد تەڭگە بٶلٸنبەك.
«2021 جىلى دەرٸگەرلەردٸڭ ورتاشا جالاقىسى شامامەن 320 مىڭ تەڭگە بولادى. 2023 جىلى 560 مىڭ تەڭگەگە دەيٸن جەتەدٸ. 2021 جىلى ورتا مەديتسينا قىزمەتكەرلەرٸنٸڭ ورتاشا جالاقىسى 173 مىڭ تەڭگەنٸ قۇراسا, 2023 جىلى 210 مىڭ تەڭگەگە جەتەدٸ», - دەدٸ مارات شورانوۆ.
