1 qańtardan bastap dárigerlerdiń jalaqysy orta eseppen 30%, orta meditsinalyq qyzmetkerleriniń eńbekaqysy 20% ósti. Bul týraly QR Densaýlyq saqtaý ministrliginiń jaýapty hatshysy Botagóz Jaqselekova aitty, dep habarlaidy "Ult aqparat".
«2019 jyldyń qańtar aiynda Elbasynyń tapsyrmasymen dárigerlerdiń eń az jalaqy mólsheri bir jarym esege - 28 myńnan 42 myń teńgege ósti. Sonymen qatar, ótken jyldyń maýsym aiynda meditsinalyq qyzmetkerlerdiń jalaqy mólsheri taǵy 30% ósti. Prezidenttiń 19 maýsymdaǵy buiryǵyna sáikes, 2020 jyldyń 1 qańtarynan bastap dárigerlerdiń jalaqysy orta eseppen 30%, orta meditsinalyq qyzmetkerleriniń eńbekaqysy 20% ósti», - deidi QR Densaýlyq saqtaý ministrliginiń jaýapty hatshysy Botagóz Jaqselekova ministrlikte ótken jiynda.
Jalaqy TMKKK sheńberinde jáne MÁMS júiesinde qarjylandyrylatyn densaýlyq saqtaý uiymdary qyzmetkerleriniń biliktiligine bailanysty esepteledi.
«Sondai-aq, mindetti áleýmettik meditsinalyq saqtandyrý jáne qyzmet jetkizýshi arasynda kelisimsharttar jasadyq. Aldaǵy ýaqytta ujymdyq kelisimsharttarǵa ózgertýler men tolyqtyrýlar engiziledi dep kútilýde jáne meditsinalyq qyzmetkerlerge jalaqynyń ýaqtyly berilýi qoǵamdyq baqylaýǵa alynady. 2023 jylǵa deiin dárigerler jalaqysy kem degende eki ese ósedi», - deidi ol.
