Nur-Sultanda tis dárigerine barǵannan keiin komaǵa túsken eki jasar qyzǵa "midyń ólýi" diagnozy qoiylmady. Bul týraly anesteziolog-reanimatolog dáriger Nurila Maltabarova baspasóz máslihatynda málimdedi, – dep habarlaidy Sputnik Qazaqstan.
"Midyń ólýi" diagnozyn qoiý jóninde konsiliým sheshim qabyldaǵan joq. Bala komada qansha ýaqyt bolatynyn eshkim aita almaidy. Barlyǵy aǵzaǵa bailanysty. Biz konsýltanttar tartyp, barlyq qajetti em-domdy jasap jatyrmyz. Eger evtanaziia jaily aityp jatqan bolsańyz, bizdiń elde ondai zań joq. Balanyń júrek-qan tamyrlary júiesi qansha ýaqyt shydasa, sonsha ýaqyt baqylaý jasaimyz", - dep jaýap berdi Maltabarova.
Nur-Sultandyq eki jasar qyz tis dárigerine barǵannan keiin komaǵa tústi. Oqiǵa týraly 26 jeltoqsanda "Doktor Bro" klinikasyna qyzymen birge barǵan áiel habarlady.
Tekseris jalpy anesteziia kezinde balaǵa Mepivastezin preparatymen jergilikti anesteziia negizsiz jasalǵanyn kórsetti. Ony tórt jasqa deiingi balalarǵa qoldanýǵa bolmaidy.
Preparatty egý men jaǵdaidyń shielenisýi bir-birimen qanshalyqty bailanysty ekenin sot-meditsinalyq saraptama kórsetedi.
Qazir sot organdaryna jeke klinikanyń qyzmetin toqtatý týraly talap aryz daiyndalýda. Respýblikadaǵy barlyq stomatologiialyq klinikaǵa aýdit júrgizý týraly másele pysyqtalýda.
Densaýlyq saqtaý ministri Eljan Birtanov jaǵdaidy túsinetinin jáne oqiǵany óz baqylaýynda ustaitynyn aitty.
