Qazaqstanda koronavirýspen aýyryp jatqan 922 naýqastyń jaǵdaiy aýyr, dep habarlaidy "Ult aqparat".
«2021 jyldyń 14 shildesindegi jaǵdai boiynsha, 922 naýqas aýyr jáne óte aýyr jaǵdaida jansaqtaý bóliminde jatyr. Eń joǵary kórsetkish Nur-Sultan men Almatyda, Qaraǵandy, Aqmola jáne Batys Qazaqstan oblystarynda baiqalady», - dedi QR DSM statsionarlyq jáne statsionardy almastyratyn meditsinalyq kómek basqarmasynyń bas sarapshysy Baýyrjan Satybaldy OKQ brifinginde.
Spiker meditsinalyq uiymdarda jatqan naýqastardyń 90%-ynda sozylmaly, keide 2-3-ten astam ilespe aýrýlar bar ekenin atap ótti.
«Naýqastar arasynda eń jii kezdesetin aýrýlar – arterialdy gipertenziia (47%), ókpeniń sozylmaly obstrýktivti aýrýy (11%), júrektiń ishemiialyq aýrýy (10%) jáne qant diabeti (9%) kezdesedi. Aýyr jáne óte aýyr jaǵdaidaǵy 922 naýqastyń 57,5%-y 66 jastan asqan. Búginde 100 naýqas nemese 13% ókpeni jasandy jeldetý apparatyna qosylǵan», - dedi Baýyrjan Satybaldy.
