QR Densaýlyq saqtaý ministri Eljan Birtanov elimizdegi meditsinalyq qyzmetterdiń sapasy men baǵasyna qatysty pikir bildirdi, dep habarlaidy QazAqparat tilshisi.
«Qazaqstanda azamattarǵa kórsetiletin meditsinalyq kómek aqyly ne tegin bolsyn biryńǵai júiede júzege asyrylady. Sondyqtan meditsinalyq mamandarǵa da talap birdei. Eger aqyly meditsinalyq kómek alyp, ol oǵan unamasa nemese sapasyz qyzmet kórsetilse, onda ministrliktiń qateligi emes. Biz óz kezegimizde olarǵa júieli túrde tekserý júrgizip otyramyz. Taǵy bir másele, jekemenshik meditsinalyq mekemelerdi jospardan tys tekserýge bizdiń de quqyǵymyz joq. Bizde densaýlyq saqtaý komitetinde qarasty táýelsiz komissiia jumys jasaidy. Eger tiisti meditsinalyq mekemege nemese quqyq qorǵaý organdaryna naqty dálelmen shaǵym tússe, onda tiisti sharalar qoldanylyp, tekserý jumystary júrgiziledi. Meditsina qyzmetkeri óz mindetin durys atqarmasa nemese óz isine selsoq qarasa, onda tiisti sharalar qoldanylady, al eger kásibi bilimi jetispegendikten qatelesse ol úshin jumystan qýyp, jazalanbaidy», - dedi QR Densaýlyq saqtaý ministri Eljan Birtanov Úkimet úiinde ótken baspasóz máslihatynda.
Sonymen qatar, Densaýlyq saqtaý ministri meditsinalyq qyzmettiń baǵasyna da qatysty túsinik berdi.
«Meditsinalyq qyzmettiń baǵa men sapa máselesi tikelei naryqqa bailanysty. Jalǵyz bizde emes, qazir álemde meditsinalyq qyzmet kórsetý baǵasy ósýde jáne óse beredi. Óitkeni, buryn adamǵa tek qana rentgen jasasa, qazir tsifrlyq úsh deńgeili rentgen jasalady osy sekildi dálel kóp. Demek eger sapaly meditsina qyzmetin qajet etsek, onyń tiisinshe qymbatqa túsenin umytpaǵan jón. Eger osynyń bárin memleket qarjaty esebinen júzege asyrsaq onda, tiisinshe salyq ósedi. Búginde melmekettiń biýdjettiń 12% -y densaýlyq salasyna tiesili, ony adam basyna shaqsaq bir adamǵa bir jylda 150 dollar shyǵady», - dedi ministr.
