Almatyda blokpostta bolǵan jol apatynda zardap shekken politsiia qyzmetkeriniń jaǵdaiy belgili boldy, dep habarlaidy "Ult aqparat".
Qalalyq qoǵamdyq densaýlyq basqarmasynyń habarlaýynsha, patsient №7 qalalyq klinikalyq aýrýhanaǵa jetkizilgen.
«Tekserý barysynda kompiýterlik tomografiia nátijesinde qosarlasqan jaraqat, basynyń shúide bóliginiń jaraqaty, mi soqqy alǵany anyqtaldy. Bas súieginiń artqy bóligine qan ketken. Bet súieginiń sol jaǵy synǵan. Basynyń, betiniń, beliniń jumsaq tinderi soǵylǵan. Neirohirýrgtardyń konsiliýmy ótkizildi. Nátijesinde bas súiegi ashylyp, uiyǵan qan alyndy. Qazir jaǵdaiy aýyr. Jansaqtaý bóliminde jatyr», - dedi №7 aýrýhana bas dárigeriniń hirýrgiia boiynsha orynbasarynyń mindetin atqarýshy Ildar Qurmaev.
