Qazirgidei koronavirýspen jappai kúres júrgizilip jatqan kezeńde óz mindetimizdi kásibi ári jaýapkershilikpen atqara bilýimiz kerek. Bul týraly Báiterek aýdandyq aýrýhanasynyń dáriger-reanimatology Azamat Izbasov málim etti, dep habarlaidy QazAqparat.
Onyń aitýynsha, dáriger bolyp 2008 jyldan beri eńbek etip keledi.
«Qazirgi kezde provizorlyq bólimshede 29 naýryzdan beri jumys jasap jatyrmyn. Árine, osyndai ýaqytta meditsina qyzmetkerlerine ústemeaqy tólenip jatqany – memleket tarapynan úlken qoldaý. Emdelýshilerge barynsha qyzmet kórsetýdemiz. Olardyń arasynda koronavirýspen shaldyqqan adamdarmen qarym-qatynasta bolǵandar nemese shet elden kelgender bar», deidi Azamat Izbasov.
Dáriger negizi naýryz aiynda eńbek demalysyna shyǵýy kerek eken. Biraq demalys tótenshe jaǵdaiǵa bailanysty keiinge qaldyryldy.
«Eń bastysy, indet qaterinen tezirek qutylyp, qalypty ómirge oralsaq eken. Buǵan óz úlesimizdi qosý – kásibi ári azamattyq boryshymyz», dedi QazAqparat tilshisine A.Izbasov.
Eske sala keteiik, budan buryn BQO-da 215 meditsina qyzmetkerine 22,6 mln teńge tólengenin, óńirde sońǵy tirkelgen eki naýqastyń biri Reseiden kelgenin jazǵan bolatynbyz.
