Jeńil ónerkásiptegi startaptardyń negizgi úlesi áielderge tiesili. Bul týraly Parlament Senatynyń Tóraǵasy Dariǵa Nazarbaeva málim etti, dep habarlaidy "Ult aqparat".
«Búgin talqylaityn taqyrybymyz jeńil ónerkásip salasyna arnalǵan. Bul Qazaqstannyń ónerkásibindegi eń problemaly sektor dep aitýǵa bolady. Sebebi ekonomikada óńdeýshi salanyń airyqsha basymdyqta bolýyna bailanysty bul sala kóp ýaqyt boiy nazardan tys qalyp keldi. Jeńil ónerkásip ekonomikany túrlendirýge, ásirese, paidaly qazbalar qorynyń azaiyp, munai baǵasynyń tómendegen kezinde daǵdarys tolqynyna qarsy turý múmkindiginiń biri bolyp sanalady», - dedi D. Nazarbaeva Senatta elimizdegi jeńil ónerkásip taqyrybyna arnalǵan parlamenttik tyńdaýda.
Osy oraida ol jeńil ónerkásip áleýmettik mańyzǵa ie sala ekenin, halyqtyń, iaǵni áielderdiń joǵary deńgeide jumyspen qamtylýyn qamtamasyz etetinin atap ótti.
«Búgingi tańda elimizdegi shaǵyn jáne orta biznes sýbektileriniń barlyq aktivteriniń 44 paiyzyn áielder basqarady. Olar shaǵyn jáne orta biznes sektoryndaǵy barlyq jumys oryndarynyń 31 paiyzyn qamtamasyz etedi. Jeńil ónerkásiptegi startaptardyń negizgi úlesi áielderge tiesili. Olardyń belsendiliginiń arqasynda sala jandana bastady», - dedi Senat Tóraǵasy.
