Qazaqstan Prezidenti Qasym-Jomart Toqaev Senat tóraǵasy laýazymyna Dariǵa Nazarbaevany qaita sailaýdy usyndy. Bul týraly Prezident Ákimshiliginiń basshysy Qyrymbek Kósherbaev aitty, dep habarlaidy "Ult aqparat".
"QR Parlamenti Senatynyń tóraǵasyn sailaý týraly QR Konstitýtsiiasynyń 58-babynyń 1-tarmaǵyna sáikes, Dariǵa Nursultanqyzy Nazarbaevany Parlament Senatynyń tóraǵasy qyzmetine sailaýdy usynamyn", - dep oqydy Kósherbaev Toqaevtyń atynan.
Depýtattar jasyryn daýys berýge kóshti. 10 minýttyq úzilisten keiin Nazarbaeva Senat tóraǵasy bolyp qaita sailandy.
"Jasyryn daýys berý biýlletenine Dariǵa Nazarbaevanyń kandidatýrasy engizilgen. Daýys berý úshin 48 biýlleten berildi. Jáshikti ashqan kezde 48 biýlleten alyndy. Jaramsyz biýlleten joq. Jaqtaǵandar – 48, qarsy bolǵandar jáne qalys qalǵandar joq", - dedi sanaq komissiiasynyń tóraǵasy Álimjan Qurtaev.
Aita ketsek, 12 tamyzda Dariǵa Nazarbaeva Senat depýtaty bolyp qaita taǵaiyndalǵan edi.
