QR Prezidentiniń Jarlyǵymen Dariǵa Nazarbaeva Senat depýtaty bolyp qaita taǵaiyndaldy, dep habarlaidy Aqordanyń baspasóz qyzmeti.
Dariǵa Nursultanqyzy Nazarbaeva 1963 jyly Qaraǵandy oblysynyń Temirtaý qalasynda týǵan.
1983 jyly M.V. Lomonosov atyndaǵy Máskeý memlekettik ýniversitetiniń tarih fakýltetin, 1985 jyly S.M. Kirov atyndaǵy Qazaq memlekettik ýniversitetiniń tarih fakýltetin bitirgen.
1985-1987 jyldary - M.V. Lomonosov atyndaǵy Máskeý memlekettik ýniversiteti tarih fakýltetiniń taǵylymdamadan ótýshi-zertteýshisi.
1987-1990 jyldary - M.V. Lomonosov atyndaǵy Máskeý memlekettik ýniversitetiniń aspiranty.
Saiasi ǵylymdar doktory, tarih ǵylymdarynyń kandidaty.
1992-1994 jyldary - «Bóbek» balalar qaiyrymdylyq qorynyń vitse-prezidenti.
1994-1995 jyldary - «Qazaqstan teledidary men radiosy» respýblikalyq korporatsiiasynyń vitse-prezidenti, «Habar» Ulttyq televiziialyq aqparattyq agenttiginiń direktory.
1995-1998 jyldary - «Habar» Agenttigi» respýblikalyq memlekettik kásipornynyń bas direktory.
1998-2001 jyldary - «Habar» agenttigi» JAQ-nyń prezidenti.
2001-2004 jyldary - «Habar» agenttigi» JAQ-nyń direktorlar keńesiniń tóraiymy.
2004-2007 jyldary - III sailanǵan Qazaqstan Respýblikasy Parlamenti Májilisiniń Respýblikalyq «Asar» partiiasynyń tizimi boiynsha sailanǵan depýtaty, «Aimaq» depýtattyq tobynyń jetekshisi.
2007-2012 jyldary - «Qazaqstan Respýblikasy Tuńǵysh Prezidenti Qory» qoǵamdyq qorynyń direktory.
2012-2014 jyldary Qazaqstan Respýblikasy Parlamenti Májilisiniń depýtaty, Áleýmettik-mádeni damý komitetiniń tóraiymy.
2014-2015 jyldary - QR Parlamenti Májilisi tóraǵasynyń orynbasary.
2015 jylǵy qyrkúiekten QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komitetiniń tóraiymy boldy.
2019 jyldyń naýryzynan QR Parlamenti Senatynyń tóraǵasy boldy.
«Nur Otan» HDP saiasi keńesiniń múshesi. 2001 jyldan bastap Eýraziialyq media forýmynyń uiymdastyrýshysy jáne uiymdastyrý komitetiniń tóraiymy. «Qurmet», «Parasat» ordenimen jáne Frantsiia Respýblikasynyń Ádebiet jáne óner ordenimen marapattalǵan. Aǵylshyn, italian, nemis tilderin meńgergen.
