Májilis depýtaty Dariǵa Nazarbaeva otstavkaǵa ketýi tiis, dep málimdedi áriptesi Aidos Sarym.
Qazaqstannyń tuńǵysh prezidentiniń úlken qyzynyń otstavkaǵa ketýine qatysty másele uzaq ýaqyttan beri qozǵalyp jatyr. Biraq Nazarbaeva Ortalyq sailaý komissiiasyna resmi ótinish bergen joq, dep jazady Sputnik Qazaqstan.
Kómekshisiniń aitýynsha, ol koronavirýspen aýyryp, qazir densaýlyǵyn qalpyna keltirip jatyr.
Jýrnalister májilismenge Elbasynyń basqa týystarynyń qyzmetinen bosatylýyn eskere otyryp, depýtattyń otstavkaǵa ketýi kerek pe degen saýal qoidy.
"Men qalyptasqan jaǵdaida ol (Dariǵa Nazarbaeva) azamat retinde otstavkaǵa ketýge tiis dep sanaimyn. Meniń oiymsha, bul durys bolar edi", - dep jaýap berdi Aidos Sarym "Jańa Qazaqstan" jańa depýtattyq tobynyń baspasóz máslihatynda.
Dariǵa Nazarbaeva nege otstavkaǵa ketýi kerek degen suraqqa Sarym Qazaqstandaǵy qańtar oqiǵalary onyń esimimen tikelei bailanysty dep jaýap berdi.
"Halyqtyń narazylyǵyna jaýap berý kerek. Búkil álemde bul saiasi turǵydan, iaǵni otstavkaǵa ketý arqyly júzege asyrylady. Qalypty álemdik tájiribe. Biz Nursultan Nazarbaevpen bailanysty emes adamdardyń da otstavkaǵa ketkenin kórdik. Bul qoǵamnyń áleýetin ashyp, basqalarǵa jol berý úshin jasaldy", - dedi depýtat.
© Sputnik / Vladislav Vodnev
Ol 5 qańtardan keiin qaiǵyly oqiǵalar bolǵan kezde Dariǵa Nazarbaevany májiliste de, basqa jerde de kórmegenin aitty.
Májilismen Nursultan Nazarbaevtyń "kez kelgen jaǵdaida Qazaqstan tarihynda qalatynyn" jáne onyń elimizdiń tarihyndaǵy róli ózgermegenin atap ótti.
"Durys jasalǵan dúniege qurmet kórsetýimiz kerek. Eger árbir jańa aqparat aldyńǵysyn joiyp jiberse, onda biz jaqsy memleket qura almaimyz", - dedi depýtat.
