- QR Premer-Ministriniń orynbasary Dariǵa Nazarbaeva orta bilim berý mekemelerinde ishinara tekserý men memlekettik attestatsiia ótkizý merzimin 2016/2017 oqý jylynan 2017/2018 jylǵa aýystyrý boiynsha keńes ótkizdi, dep habarlady pm.kz.
Keńes barysynda bilim jáne ǵylym ministrliginiń ókilderi qoldanystaǵy normativtik qujattarǵa sáikes memlekettik baqylaý sharalary onyń tiimdiligin tolyq qamtamasyz etpeitindigi týraly aqparattandyrdy. Osylaisha, mektepke deiingi uiymdar men mektepterge litsenziiany tartyp alý boiynsha sharalar qabyldanbaidy, ákimshilik ister qozǵalmaidy, attestatsiiadan ótpegen bala baqshalar men mektepter jabylmaidy.
Sondai-aq keńeske qatysýshylar ministrliktiń bastamasymen júrgizilgen ekonomikalyq zertteýler nátijesinde negizgi nazar bilim uiymdarynyń ózbetinshe baǵalaýyna aýdarylatyn memlekettik attestatsiiadan qyzmetti ólshemdi baǵalaýǵa ótý boiynsha usynystardyń ázirlengenin atap ótti.
Qazirgi ýaqytta baǵalaýdyń jańa júiesin júrgizý tártibin retteitin normativtik-quqyqtyq qujattar ázirlenýde. Mektepke deiingi uiymdar men mektepterdi baǵalaý júiesindegi jańa tásildemeler memlekettik attestatsiialaý tájiribesinde kezdesetin jemqorlyq táýekeldikti azaitý jónindegi sharalardyń biri bolyp tabylady.
BǴM ókilderiniń aitýynsha, memlekettik baqylaýda jańa tásildemeler engizý belgili bir daiyndyq jumysty talap etedi. Atalǵandardyń negizinde, ózgeristerge bailanysty orta bilim berý mekemelerinde ishinara tekserý men memlekettik attestatsiia ótkizý merzimin kelesi 2017/2018 oqý jylyna aýystyrý usynylady.
Óz kezeginde D. Nazarbaeva tiisti memlekettik organdarǵa atalǵan usynystar boiynsha normativtik-quqyqtyq aktiler ázirleýdi tapsyrdy.
Ult portaly
.jpeg)