Dárilik zattardy ulttyq rásim boiynsha tirkeý kezinde saraptamaǵa ótinim qabyldaý 1 shildege deiin ǵana júzege asyrylady, dep habarlaidy "Ult aqparat".
Atalǵan merzim Eýraziialyq ekonomikalyq komissiia keńesiniń sheshimimen belgilengen. Bul shara tirkeý qujattaryn birtindep Eýraziialyq ekonomikalyq odaqtyń (EAEO) biryńǵai talaptary men qaǵidalaryna sáikes keltirý úshin qajet.
Atap aitsaq, EAEO-ǵa múshe memleketterde tirkelgen preparattar 2025 jyldyń sońyna deiin Odaqtyń talaptary men qaǵidalaryna sáikestendirilýi tiis.
Ótpeli kezeń 2026 jylǵy 1 qańtarda aiaqtalady jáne Qazaqstannyń ulttyq zańnamasyna sáikes dárilik zattarǵa berilgen barlyq tirkeý kýálikteri joiylady.
Meditsinalyq buiymdarǵa keletin bolsaq, olar boiynsha Ulttyq saraptama rásimi 2021 jylǵy 31 jeltoqsanǵa deiin júrgiziletin bolady.
Bul rette qaita tirkeýdiń ulttyq rásimi 2026 jylǵy 31 jeltoqsanǵa deiin uzartyldy.
Qazaqstandyq rásim boiynsha berilgen merzimsiz tirkeý kýálikteri bar meditsinalyq buiymdar EAEO-da qaita tirkeý qajettiliginsiz el aýmaǵyndaǵy ainalymyn jalǵastyratynyn atap ótý qajet.
Qazir Qazaqstan Respýblikasynyń memlekettik tiziliminde ulttyq zańnama boiynsha 7 337 dárilik zat jáne 9 654 meditsinalyq buiym tirkelgen.
Sonymen qatar EAEO-nyń biryńǵai qaǵidalary boiynsha tirkeý júzege asyrylýda, onyń biryńǵai tizilimine búginde 335 dári engizilgen.
Pandemiia jaǵdaiynda otandyq óndirýshilerdi qoldaý úshin birqatar sharalar qabyldanǵanyń atap aitý qajet.
Osy rette EAEO-da dárilik preparattardy tirkeý kezinde olar GMP talaptaryna sáikestigin rastaityn ulttyq qujattardy 2021 jylǵy 31 jeltoqsanǵa deiin ala alady, olar qoldanylý merzimi aiaqtalǵanǵa deiin qoldanysta bolady.
Sonymen qatar, EAEO GMP sáikestigine qashyqtyqtan inspektsiia júrgizý múmkindigi qosymsha qarastyrylǵan.
2022 jylǵy 30 maýsymǵa deiin koronavirýs infektsiianyń taralýynyń aldyn alý jáne boldyrmaý úshin paidalanylatyn birqatar taýarlardy kedendik ákelý bajynan bosatý merzimi uzartyldy.
