Túrkistan oblysynyń aýmaǵynda dári-dármekter men meditsinalyq quraldardy joǵary baǵamen zańsyz satý faktilerin anyqtaý maqsatynda profilaktikalyq jáne reidtik is-sharalar júrgizilýde, dep habarlaidy "Ult aqparat".
Jergilikti politsiia qyzmeti basqa da múddeli organdarmen birlese otyryp, karantin kezinde virýstyq aýrýlardan naýqastardy emdeýge arnalǵan dári-dármekterdi joǵary baǵamen satqan dárihanalar men azamattardy tekserýde.
Karantin bastalǵannan beri mobildik top politsiiamen birge dári-dármekterdi zańsyz satýdyń 51 faktisin anyqtap, 5232 túrli meditsinalyq dári-dármekterdi tárkiledi. Reid barysynda Arys APB JPQ ýchaskelik inspektorlary aýyldardyń birinen tiisti qujattarsyz tirkelmegen dári-dármekterdi zańsyz satqan dárihanany anyqtady. Politseiler dárihana iesinen «Eýfillin», «Analgin», «Dimedrol» jáne «Ofioksitsin» preparattaryn iaǵni barlyǵy 77 qaptamany tárkilep aldy. Atalǵan jait boiynsha materialdar QR Densaýlyq saqtaý ministrliginiń taýarlar men kórsetiletin qyzmetterdiń sapasy men qaýipsizdigin baqylaý komitetine zańdy sheshim qabyldaý úshin jiberildi. Osyndai zańbuzýshylyq jaity Báidibek aýdanynan da anyqtalǵan. Shaian aýylyndaǵy dárihana satýshysy satyp alýshyǵa «atsetilsolin qyshqylynyń» 2 oramasyn, «paratsetamoldyń» 3 oramasyn jáne 2 meditsinalyq maskany 30% - ǵa qymbat satqan.
Satýshydan politsiia qyzmetkerleri 12 orama «paratsetamol», «atsetilsolin qyshqyly» jáne meditsinalyq betperdeler tárkilep alǵan. Aýdanda sondai-aq, karantindik shekteý sharalaryna qaramastan jumys istegen 20-dan astam dúken jáne dárihana ielerine ákimshilik hattamalar toltyrylǵan.
