Almatyda eki bala men olardyń ájesi dárethana shuńqyryna qulap ketken, dep habarlaidy "Ult aqparat".
30 maýsym kúni respýblikalyq jedel-qutqarý jasaǵyna Almaty qalasy, Naýryzbai aýdany, Abai aýylyndaǵy kóshe dárethanasynyń qazylǵan shuńqyryna eki balanyń qulap ketkeni týraly aqparat kelip tústi.
Oqiǵa ornyna jeke quramy 6 adamnan turatyn RJQJ jedel toby shyqty.
«Shuńqyrǵa birinshi 2020 jyly týǵan qyz qulap ketkendigi belgili boldy. 2009 jyly týǵan úlken aǵasy, kómektesýge árekettenip, qaryndasyn óz betinshe tartyp alýǵa tyrysqan. Artynsha balalardyń ájesi men ákesi olardy qutqarmaq bolǵan. Ókinishke orai, tek ákesi aman qaldy, ony qutqarýshylar kelgenge deiin shyǵaryp, jedel meditsinalyq járdem dárigerlerine tapsyrǵan», - dep habarlady vedomstvadan.
RJQJ qutqarýshylary balalardy jáne ájelerin shyǵardy, alaida aman alyp qalý múmkin bolmady.
Respýblikalyq jedel-qutqarý jasaǵy, turǵyndardy balalardy qaraýsyz qaldyrmaýǵa jáne óte muqiiat bolýǵa shaqyrady.
