Almatyda dárethana shuńqyryna bir úidiń úsh adamy túsip mert boldy. Politseiler oqiǵanyń qalai bolǵanyn aityp berdi, dep habarlaidy "Ult aqparat".
Almaty qalalyq Politsiia departamenti málimetinshe, patrýldik politsiianyń eki ekipajy dabyldy qońyraýǵa dereý jaýap berdi. Bul 30 maýsym keshki saǵat segiz de boldy.
«Kezekshi jedel ýákilden qońyraý túskennen keiin birneshe minýttan soń biz oqiǵa ornynda boldyq. Syrttaǵy dárethanaǵa birneshe adamnyń qulap ketkeni týraly aqparat aldyq. Dárethananyń syrtyn alyp tastap, shuńqyrǵa baspaldaq túsirdik. Birinshi bolyp tómenge politsiia kapitany Murat Kákibekov tústi. Biz baspaldaq pen onyń qolynan qatty ustadyq. Tereńdigi shamamen
Qutqarylǵan er adam, jedel járdemge tapsyrylyp, shuǵyl aýrýhanaǵa jetkizildi.
«Qaiǵyly jaǵdaidy anyqtaý barysynda, keshke úidiń aýlasynda oinap júrgen bir jasar qyzdyń baiqaýsyzda kóshedegi dárethanaǵa túsip ketkeni anyqtaldy. Muny kórgen onyń 1955 jyly týǵan ájesi men 12 jasar aǵasy kómekke júgirip keldi, olar sábidi shyǵarǵysy keldi, biraq olar da shuńqyrǵa túsip ketti. Sodan keiin balalardyń ákesi kómekke keldi - 1980 jyly týǵan K.esimdi azamat. Dárethana shuńqyryna túsip ketken balalary men anasyn sol jerden shyǵarýǵa tyrysqan. Alaida, ol da esinen tanyp qaldy», - dedi, Naýryzbai aýdandyq politsiia basqarmasynyń bastyǵy, politsiia podpolkovnigi Didar Ahanov.
Eske salaiyq, qaiǵyly oqiǵa 30 maýsym kúni Naýryzbai aýdanyna qarasty Abai aýylynda bolǵan. Dárethana tesigine túsip ketken 1 jasar qyzdy qutqaramyn dep shuńqyrǵa aldymen 12 jasar aǵasy, artynan ákesi, sosyn ájesi túsken. Qutqarýshylar tek otaǵasyn aman alyp qala aldy.
