QR Úkimetiniń Qaýlysymen Daniiar Erenǵaliuly Janalinov QR Qarjy vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti málim etti, dep habarlaidy "Ult aqparat".
Daniiar Janalinov 1975 jyly Almaty oblysynda dúniege kelgen. Qazaq kólik jáne kommýnikatsiia akademiiasyn bitirgen. Mamandyǵy boiynsha biliktiligi — injener-ekonomist.
Eńbek jolyn 2000 jyly Taldyqorǵan qalasy boiynsha Salyq komitetiniń zańdy tulǵalar salyq aýditi sektorynyń salyq inspektory qyzmetinen bastady.
2002-2008 jyldary Almaty oblysy boiynsha Salyq komitetinde túrli qyzmetter atqarǵan. 2008-2010 jyldary – Almaty oblysy boiynsha Salyq departamenti bastyǵynyń orynbasary.
2010-2014 jyldary QR Qarjy ministrligi Salyq komitetiniń qurylymynda basshylyq qyzmetter jasady.
2014-2018 jyldary – QR Qarjy ministrligi Memlekettik kirister komitetiniń Soltústik Qazaqstan oblysy boiynsha Memlekettik kirister departamentiniń basshysy.
2018 jylǵy shilde aiynan bastap qazirgi ýaqytqa deiin – QR Qarjy ministrligi Memlekettik kirister komitetiniń Mańǵystaý oblysy boiynsha Memlekettik kirister departamentiniń basshysy.
