Daniiar Meiirhan Shymkent politsiiasynda jańa qyzmetke taǵaiyndaldy. Aqparatty qalalyq PD baspasóz qyzmeti rastady, - dep habarlaidy Tengrinews.kz agenttigi.
"Qazaqstan Respýblikasynyń ishki ister ministri Marat Ahmetjanovtyń buiryǵy boiynsha, politsiia podpolkovnigi Meiirhan Daniiar Meiirhanuly Shymkent qalasy PD janyndaǵy patrýldik politsiia polkiniń bastyǵy - komandiri bolyp taǵaiyndaldy", - dedi Shymkent qalasy PD baspasóz qyzmeti ókilderi.
Eske salaiyq, biyl mamyrda Túlkibas aýdany politsiiasynyń basshysy Daniiar Meiirhan qyzmetinen ýaqytsha shettetilgeni belgili boldy. Ol asa iri kólemdegi alaiaqtyq (QR QK-nyń 190-baby, 4-bóligi, 2-tarmaǵy) boiynsha kúdikti boldy. Keiin ol 40 million teńge kepilmen bosatyldy.
14 qazanda advokat Shimirbai Aǵabekov Daniiar Meiirhanǵa qatysty qylmystyq is toqtatylǵanyn aitty. Bul aqparatty sybailas jemqorlyqqa qarsy qyzmet te rastady.
