دانييار مەيٸرحان شىمكەنت پوليتسيياسىندا جاڭا قىزمەتكە تاعايىندالدى. اقپاراتتى قالالىق پد باسپاسٶز قىزمەتٸ راستادى, - دەپ حابارلايدى Tengrinews.kz اگەنتتٸگٸ.
"قازاقستان رەسپۋبليكاسىنىڭ ٸشكٸ ٸستەر مينيسترٸ مارات احمەتجانوۆتىڭ بۇيرىعى بويىنشا, پوليتسييا پودپولكوۆنيگٸ مەيٸرحان دانييار مەيٸرحانۇلى شىمكەنت قالاسى پد جانىنداعى پاترۋلدٸك پوليتسييا پولكٸنٸڭ باستىعى - كومانديرٸ بولىپ تاعايىندالدى", - دەدٸ شىمكەنت قالاسى پد باسپاسٶز قىزمەتٸ ٶكٸلدەرٸ.
ەسكە سالايىق, بيىل مامىردا تٷلكٸباس اۋدانى پوليتسيياسىنىڭ باسشىسى دانييار مەيٸرحان قىزمەتٸنەن ۋاقىتشا شەتتەتٸلگەنٸ بەلگٸلٸ بولدى. ول اسا ٸرٸ كٶلەمدەگٸ الاياقتىق (قر قك-نىڭ 190-بابى, 4-بٶلٸگٸ, 2-تارماعى) بويىنشا كٷدٸكتٸ بولدى. كەيٸن ول 40 ميلليون تەڭگە كەپٸلمەن بوساتىلدى.
14 قازاندا ادۆوكات شيميرباي اعابەكوۆ دانييار مەيٸرحانعا قاتىستى قىلمىستىق ٸس توقتاتىلعانىن ايتتى. بۇل اقپاراتتى سىبايلاس جەمقورلىققا قارسى قىزمەت تە راستادى.
