Memleket basshysy halyqty jumyspen qamtý jáne tabysyn saqtaý eń negizgi basymdyq retinde aiqyndap berdi. Bul týraly «Rýhani jańǵyrý» Qazaqstannyń qoǵamdyq damý istitýtynyń basqarma tóraǵasy Daniiar Esin aitty, dep habarlaidy QazAqparat.
«Memleket basshysy Qasym-Jomart Toqaevtyń Joldaýy halyq úshin ózekti ýaqytta jariialandy. Pandemiiadan keiin qoǵamnyń qundylyqtary, halyqtyń memlekettik basqarýǵa qatysty kózqarasy ózgergeni aiqyndaldy. Bul jylǵy Joldaýdyń ózektiligi pandemiia jaǵdaiynda el damýynyń kontrlaryn aiqyndaý men memlekettik saiasattyń basym baǵyttaryn kórsetýimen mańyzdy bolyp otyr», - dedi ol Prezident Joldaýyn sarapshylyq talqylaýǵa arnalǵan jiyn barysynda.
Onyń atap ótýinshe, usynylǵan bastamalar ulttyń básekege qabilettiliginiń bazalyq faktorlarynyń birine ainalyp, qazaqstandyqtardyń jańa kelbetiniń qalyptasyna septigin tigizedi. Prezident Joldaýynyń mańyzdy aspektisi áleýmettik baǵyttyń saqtalýy sanalady jáne bul baǵytta birqatar reforma usynylyp otyr. Memleket basshysy halyqty jumyspen qamtý jáne tabysyn saqtaý eń negizgi basymdyq retinde aiqyndap berdi. Al bul azamattardyń ál-aýqatyn bildiredi.
«Prezidenttiń halyqqa Joldaýy bizdiń institýttyń qoǵam sanasyn jańǵyrtý jolyndaǵy jumysyna jańa serpin beredi dep oilaimyz. Joldaý ekonomikany, memlekettik basqarý júiesin jetildirip, oǵan úlken serpin beredi dep esepteimiz. Bilim, táribe, áleýmettik jumys jáne meditsinalyq qyzmet jańa formatqa kóshirilip, bul salalar tabysy tómen halyqtyń qajettiligine baǵyttalady», - dedi Daniiar Esin.
