6 maýsym kúni London qalasyndaǵy Iork-holl ortalyǵynda Olimpiada chempiony Daniiar Eleýsinov kásibi bokstaǵy ekinshi jekpe-jegin ótkizedi. Onyń qarsylasy ázirge belgisiz. Bul týraly "Ult aqparat" telearnanyń baspasóz qyzmetine silteme jasap habarlaidy.
«Habar» telearnasy bul kezdesýdi 6 maýsymnan 7 maýsymǵa qaraǵan túni saǵat 01.55-te tikelei efirden kórsetedi.
Ázirge qazaqstandyq boksshynyń qarsylasy belgisiz. Qazirgi tańda Daniiar Floridadaǵy jattyǵý alańynda óziniń jeke bapkeri Djon-Devid Djeksonnyń jetekshiligimen daiyndalyp jatyr. Sondai-aq, taiaý ýaqytta Daniiardyń jattyǵý alańyna ákesi, jattyqtyrýshy Marat Eleýsinov pen aǵasy, orta salmaqta óner kórsetetin, kásibi bokser Dáýren Eleýsinov te qosylady.
«Floridada jattyǵyp, Djon-Devidten sabaq alý keremet. Men kún saiyn jaqsy kásibi boksshy bolýyma kómektesetin jańa dúnielerdi úirenip jatyrmyn. 6 maýsymdaǵy jekpe-jegimdi asyǵa kútip júrmin» - dep oi bólisiti Daniiar Eleýsinov.
«Áýesqoi boksta eń bastysy - bal jinaý, biraq men bul kezdesý barysynda Daniiardyń jinaqy, qatal, qarsylasyna soqqylaryn barynsha dóp tigizýdi oilaǵanyn qalaimyn» - deidi Djon-Devid Djekson.
Daniiar kezdesýin jartylai aýyr salmaqtaǵy WBA Continental jáne Britandyq seriktestiktiń chempiony belbeýine talasatyn Loýrens Okoli men Liýk Ýotkin arasyndaǵy jekpe-jektiń aldynda ótkizedi.
