Qazaqstandyq kásipqoi boksshy Daniiar Eleýsinov (10-0, 6 KO) Boxrec.com portalynyń reitinginde kóterildi, dep habarlaidy "Ult aqparat" Sports.kz-ke silteme jasap.
Eleýsinov BoxRec reitinginde jartylai orta salmaqta 40-ynshy orynnan 27-ge kóterilse, onyń qarsylasy Djýliýs Indongo (23-3, 12 KO) 32-den 60-orynǵa tústi.
Eske sala keteiik, Eleýsinov Indongany ekinshi raýndta tehnikalyq nokaýtpen jeńip, jartylai orta salmaqta IBF Inter-Continental chempiony vakanttyq belbeýin ielendi.
Koronavirýs pandemiiasyna bailanysty Daniiar 2020 jyly bir ǵana jekpe-jek ótkizip úlgerdi. Buǵan deiin ol sońǵy ret 2019 jyldyń jeltoqsanynda ringke shyqqan bolatyn.
