Rio Olimpiadasynyń chempiony, qazaqstandyq Daniiar Eleýsinov Londonda óziniń kásipqoi bokstaǵy ekinshi kezdesýin majarlyq Zoltan Shabomen ótkizdi, dep habarlaidy "Ult aqparat".
Majarstan sportshysy osyǵan deiin kásipqoi ringte barlyǵy 36 kezdesý ótkizip, sonyń 24-inde jeńiske jetip, 11-inde utylyp qalǵan edi. Al Eleýsinov Niý-Iorkte, biylǵy 28 sáýirde ótken alǵashqy urysynda amerikalyq Noa Kidti nokaýtqa jibergen bolatyn. Daniiardyń kásipqoi bokstaǵy múddesin belgili britandyq promoýter jáne Matchroom kompaniiasynyń iesi Eddi Hirn qorǵaityny belgili.
Alty raýndqa sozylǵan jekpe-jek qazaqstandyq boksshynyń basymdylyǵymen ótip, tóreshilerdiń sheshimimen jeńis Daniiarǵa berildi.
Eske sala keteiik, D.Eleýsinov negizi majarlyq Gabor Gorbichpen kezdesýi tiis bolatyn. Alaida 30 jasar boksshy sparring-básekede jaraqat alyp qalyp, ornyna Z.Shabo shyqqan edi.
