ريو وليمپياداسىنىڭ چەمپيونى, قازاقستاندىق دانييار ەلەۋسٸنوۆ لوندوندا ٶزٸنٸڭ كەسٸپقوي بوكستاعى ەكٸنشٸ كەزدەسۋٸن ماجارلىق زولتان شابومەن ٶتكٸزدٸ, دەپ حابارلايدى "ۇلت اقپارات".
ماجارستان سپورتشىسى وسىعان دەيٸن كەسٸپقوي رينگتە بارلىعى 36 كەزدەسۋ ٶتكٸزٸپ, سونىڭ 24-ٸندە جەڭٸسكە جەتٸپ, 11-ٸندە ۇتىلىپ قالعان ەدٸ. ال ەلەۋسٸنوۆ نيۋ-يوركتە, بيىلعى 28 سەۋٸردە ٶتكەن العاشقى ۇرىسىندا امەريكالىق نوا كيدتٸ نوكاۋتقا جٸبەرگەن بولاتىن. دانيياردىڭ كەسٸپقوي بوكستاعى مٷددەسٸن بەلگٸلٸ بريتاندىق پروموۋتەر جەنە Matchroom كومپانيياسىنىڭ يەسٸ ەددي حيرن قورعايتىنى بەلگٸلٸ.
التى راۋندقا سوزىلعان جەكپە-جەك قازاقستاندىق بوكسشىنىڭ باسىمدىلىعىمەن ٶتٸپ, تٶرەشٸلەردٸڭ شەشٸمٸمەن جەڭٸس دانييارعا بەرٸلدٸ.
ەسكە سالا كەتەيٸك, د.ەلەۋسٸنوۆ نەگٸزٸ ماجارلىق گابور گوربيچپەن كەزدەسۋٸ تيٸس بولاتىن. الايدا 30 جاسار بوكسشى سپاررينگ-بەسەكەدە جاراقات الىپ قالىپ, ورنىنا ز.شابو شىققان ەدٸ.
