Qazaqstandyq boksshy Daniiar Eleýsinov (10-0, 6 KO) jartylai orta salmaqtaǵy IBF Intercontinental chempiony titýlymen resmi túrde marapattaldy, dep habarlaidy Sports.kz.
«Qurmetti Daniiar Eleýsinuly! IBF sizdi jartylai orta salmaqtaǵy Intercontinental titýlymen marapattaý qurmetine ie. 2020 jyldyń 27 qarashasynda Florida shtatynyń Gollivýd qalasynda Djýliýs Indongony jeńgenińiz, sizdiń naǵyz chempion ekenińizdi bútin álemge dáleldeidi. Osy bedeldi marapatty qabyl alǵanyńyz úshin alǵys bildiremiz jáne siz IBF titýlyn úlken qurmetpen, adaldyqpen alyp júretinińizge senimdimiz. Ýaqyty kelgende mindetti qorǵaý jekpe-jekteri boiynsha habarlasatyn bolamyz. Qurmetpen, (IBF) tóraǵasy Karlos kishi-Ortis», - delingen Halyqaralyq boks federatsiiasynyń tóraǵasy K. kishi-Ortistiń resmi hatynda.
Hattyń skrinshotyn Eleýsinovtiń menedjeri Ziia Áliev óziniń Instagram-storisinde jariialady.
