Foto:kfb.kz
Bokstan Olimpiada chempiony Daniiar Eleýsinov 28 aqpanda Astanada ótetin jekpe-jek týraly aityp, bolashaq qarsylasynyń atyn áli bilmeitinin málimdedi, dep habarlaidy Ult.kz Sportnews.kz-ke silteme jasap.
"Qarsylasym ázirge belgisiz. Birneshe boksshy bas tartty. Múmkin olar jekpe-jek úshin Qazaqstanǵa kelgisi kelmeitin shyǵar. Negizinde, bul jekpe-jek tartysqa toly jáne halyq úshin qyzyq bolar edi, biraq olar bas tartty. Endi kim kelisetinin kútemiz. Biyl úsh jekpe-jek ótkizgim keledi", - dedi Eleýsinov.
Aita keteiik, Daniiar Eleýsinov ringke 28 Aqpanda oralady, - delingen all STARS Boxing promoýterlik kompaniiasynyń málimdemesinde. Eleýsinov óziniń aldyńǵy jekpe-jegin ótken jyly 28 qyrkúiekte Almatyda ótkizdi. Sodan keiin qazaqstandyq boksshy besinshi raýndta filippindik Djoi Noindy (23-5-2, 11 KO) merziminen buryn jeńdi.
