QR Ulttyq bank tóraǵasy Daniiar Aqyshev «Tsesnabank» boiynsha jaǵdaiǵa túsinik berdi, dep habarlaidy QazAqparat.
«Tsesnabanktegi jaǵdai baqylaýǵa ikemdi dep sanaimyz. Onda menedjment aýystyrylyp, strategiiasy ózgerdi. Ekinshiden, agroónerkásiptik sektordy qoldaý aiasynda 450 mlrd teńge AÓK -ti qoldaýǵa bólindi. Óz kezeginde bul sharalar Tsesnabankke janama túrde qoldaý jasaidy», - dedi Daniiar Aqyshev Májilistiń jalpy otyrysynan keiin tilshiler saýalyna jaýap bere otyryp.
Sonymen qatar, ol Tsesnabank nesielerin satyp alý máselesine toqtaldy.
«Osy nesielerdi satyp alý Problemalyq nesieler qory men Tsesnabank arasyndaǵy ózara qarym-qatynasqa bailanysty.... Bizdiń aqparatqa sáikes, bul protsess iske asyrylǵan», - dedi UB basshysy.
Budan buryn habarlanǵandai, Ulttyq bank Tsesnabankke 150 mlrd teńge kóleminde qaryz berdi. Bul qarjy bankke naryqtyq jaǵdaida kómek retinde bólindi.
