- Ulttyq bank tóraǵasy Daniiar Aqyshev qazaqstandyqtardy ekinshi deńgeili bankterdiń qarjylyq ahýalyna alańdamaýǵa shaqyrdy, dep habarlaidy "Ult aqparat".
«Meniń oiymsha, qazirgi kezde barlyq ekinshi deńgeili bankter QR Ulttyq banki turǵysynda retteýshiniń prýdentsiialyq normativteri men talaptaryn oryndaýda. Prýdentsiialyq normativter - ol óziniń qyzmetindegi turaqtylyqty qamtamasyz etý úshin árbir bank oryndaýy tiis mindetter. Bul rette kapitaldyń, likvidtiliktiń, sondai-aq bir qaryz alýshyǵa qatysty táýekelder kórsetkishteri eskerilgen. Iaǵni Qazaqstandaǵy ekinshi deńgeili bankter osy kórsetkishterdi túgeldei otyndap keledi»,-dedi Aqyshev Májilistegi jalpy otyrys barysynda tilshiler saýalyna jaýap berý kezinde.
Sondai-aq Ulttyq bank basshysy «Qazkom» banki ainalasyndaǵy jaǵdaiǵa túsinik berdi. «Shynymen de Ulttyq bank Qazkomǵa 400 mlrd. teńge somasynda qaryz berdi, alaida dúisenbide bank onyń jartysyn, iaǵni 200 mlrd. teńgesin ótegenin kóbisi baiqamaǵan sekildi. Sáikesinshe, olarǵa bul qarjy qajet bolmady. Búginde QR Ulttyq banki aldyndaǵy Qazkomnyń qaryzy 200 mlrd. teńgeni qurap otyr», - dedi ol.
D. Aqyshevtiń bank ainalasyndaǵy jaǵdaiǵa bailanysty alańdaýdyń reti joq ekenin atap ótti. «Bank bólek operatsiialardy júrgizý úshin qosymsha likvidtilikti ielený turǵysynda qoldaý sharalaryna júgindi. Men qazirgi kezde Qazkom qyzmetin ońtaily baǵalaimyn. Sondyqtan salymshylarǵa bank úshin alańdaýdyń reti joq»,-dep atap ótti Aqyshev.
