Daniia EO-nyń barlyq aýmaǵynda jaramdy bolatyn COVID-19 sertifikatynyń ulttyq nusqasy Coronapas qosymshasyn iske qosty. Osyǵan bailanysty Kopengagen áýejaiynda juma kúni baspasóz máslihaty ótti, dep habarlaidy TV2 telearnasy.
Tsifrlyq sertifikat Daniianyń ishinde, sondai-aq EO aýmaǵynada saiahattaý úshin jaramdy bolady. Densaýlyq saqtaý ministri Magnýs Heýnike atap ótkendei, el turǵyndarynyń jeke meditsinalyq derektemeleri qosymshada joq.
Qarjy ministri Nikolai Vammenniń aitýynsha, jeke kýálikti sertifikatpen birge usynýdyń qajeti shamaly. Onda vaktsinatsiia, antidenelerdiń bolýy nemese koronavirýsqa tapsyrylǵan testiniń teris nátijesi týraly aqparat kórsetilgen.
Qosymshany ázirleý quny – 22 mln kron ($3,6 mln).
