Shyǵys Qazaqstan oblysynda kóktemgi sý tasqynynyń aldyn alýǵa ázirlik qyzý júrýde, dep habarlaidy "Ult aqparat".
Búgin oblys ákimdiginde ótken jiynda oblystyq Tótenshe jaǵdailar departamenti bastyǵynyń orynbasary Qanat Ábdilov sý tasqyny qaýpi bar eldi mekenderdegi daiyndyq jumystary týraly baiandady.
«Óńirdegi qar qory ortasha jyldyq normadan 50% joǵary. Osyǵan orai, oblysta arnaiy shtab quryldy. 108 eldi mekendi sý basýy múmkin. Sý tasqynyna qarsy sharalardan bastap adamdardy evakýatsiialaýǵa deiin bári oilastyrylǵan. Qardyń erýine ǵaryshtyq monitoring júrgizilýde. Tehnikalardyń barlyǵy saqadai sai daiyn tur», - dedi ol.
Onyń aitýynsha, osydan birneshe kún buryn Óskemende ótken «Kóktem-2020» sharasynda jeke quramnan 95 adam arnaiy jattyǵýdan ótken. Tótenshe jaǵdai bolyp jatsa 290 motopompa men 1200-den astam arnaiy tehnika ázir.
Bul rette, ShQO ákimi Danial Ahmetov qosymsha tehnikalar alýdy tapsyrdy.
«Sý basý qaýpi bar eldi mekenderdiń árqaisysy úshin naqty is-sharalar jospary daiyndaldy. Osyǵan sáikes, tótenshe jaǵdailar kezinde oryndalatyn barlyq jumystar qarastyrylǵan. Alaida munymen toqtap qalmai, qosymsha motopompa men tehnikalar alý kerek», - dedi D.Ahmetov.
