Foto: instagram.com/danial.akhmetov.official
Memleket basshysynyń Jarlyǵymen Danial Kenjetaiuly Ahmetov Shyǵys Qazaqstan oblysynyń ákimi laýazymynan bosatyldy, - dep habarlaidy "Ult aqparat" Aqordanyń baspasóz qyzmetine silteme jasap.
Ol 1954 jyly 15 maýsymda Pavlodar qalasynda dúniege kelgen.
1976 jyly Pavlodar indýstrialdy institýtyn bitirgen. Mamandyǵy boiynsha injener-qurylysshy.
Ekonomika ǵylymynyń doktory, Qazaqstan Respýblikasy Mineraldy resýrstar akademiiasynyń akademigi.
15 maýsymda 69 jasqa tolǵan Danial Ahmetov 2014 jyldyń 11 qarashasynan búginge deiin Shyǵys Qazaqstan oblysynyń ákimi qyzmetin atqardy.
Toǵyz jyl ishinde ol úsh ret - 2017, 2019, 2022 jyly oblys ákimi qyzmetine qaita taǵaiyndaldy.
Ótken jyly Prezident Qasym-Jomart Toqaev Danial Kenjetaiuly Ahmetovtiń mol tájiribesin eskerip, qyzmettik ókilettigin bir jylǵa uzartqan edi.
Danial Ahmetov ár jyldarda Premer-ministr, Qorǵanys ministri, Energetika jáne infraqurylym ministri qyzmetin atqardy.
Ol Shyǵys Qazaqstan oblysynan bólek Soltústik Qazaqstan, Pavlodar oblystaryn basqarǵan.
