Jańa Toyota Camry avtokóligi Óskemenniń "Halifa Altai" meshitiniń igiligine qyzmet etpek.
Aǵymdaǵy jyldyń qańtarynda óńir bashysynyń oblystyq meshittiń jumysymen tanysýy barysynda bas imam Ermek qajy Muqatai aýdandardy aralaý úshin avtokólik qajettiligin jetkizgen. Sol kezde Danial Ahmetov biýdjettik emes qarjy kózderin tarta otyryp, atalmysh máseleni sheshýge qoldaý kórsetetinin aitqan bolatyn.
Búgin aimaq basshysy "Halifa Altai" meshitine arnaiy baryp, jańa Toyota Camry avtokóligin tabystady. Danial Ahmetov kólikti alýǵa qoldaý kórsetken «Óskemen qurylys» kompaniiasynyń direktory Erjan Ysqyqovqa alǵysyn bildirdi.
Sonymen qatar, oblys ákimi biylǵy kóktemde meshit ǵimaratynyń astynda ornalasqan kólik turaǵynyń tóbesinen sý aǵýdy toqtatý úshin jóndeý jumystary bastalatyndyǵyn aitty.
Oblys ákiminiń baqylaýǵa alǵan taǵy bir máselesi – meshittiń janynan 50-60 oryndyq medrese salý bolatyn. Danial Ahmetov qalalyq ákimdikke medrese ǵimaraty úshin meshittiń janynan jer bólýdi tapsyrdy.
