جاڭا Toyota Camry اۆتوكٶلٸگٸ ٶسكەمەننٸڭ "حاليفا التاي" مەشٸتٸنٸڭ يگٸلٸگٸنە قىزمەت ەتپەك.
اعىمداعى جىلدىڭ قاڭتارىندا ٶڭٸر باشىسىنىڭ وبلىستىق مەشٸتتٸڭ جۇمىسىمەن تانىسۋى بارىسىندا باس يمام ەرمەك قاجى مۇقاتاي اۋدانداردى ارالاۋ ٷشٸن اۆتوكٶلٸك قاجەتتٸلٸگٸن جەتكٸزگەن. سول كەزدە دانيال احمەتوۆ بيۋدجەتتٸك ەمەس قارجى كٶزدەرٸن تارتا وتىرىپ, اتالمىش مەسەلەنٸ شەشۋگە قولداۋ كٶرسەتەتٸنٸن ايتقان بولاتىن.
بٷگٸن ايماق باسشىسى "حاليفا التاي" مەشٸتٸنە ارنايى بارىپ, جاڭا Toyota Camry اۆتوكٶلٸگٸن تابىستادى. دانيال احمەتوۆ كٶلٸكتٸ الۋعا قولداۋ كٶرسەتكەن «ٶسكەمەن قۇرىلىس» كومپانيياسىنىڭ ديرەكتورى ەرجان ىسقىقوۆقا العىسىن بٸلدٸردٸ.
سونىمەن قاتار, وبلىس ەكٸمٸ بيىلعى كٶكتەمدە مەشٸت عيماراتىنىڭ استىندا ورنالاسقان كٶلٸك تۇراعىنىڭ تٶبەسٸنەن سۋ اعۋدى توقتاتۋ ٷشٸن جٶندەۋ جۇمىستارى باستالاتىندىعىن ايتتى.
وبلىس ەكٸمٸنٸڭ باقىلاۋعا العان تاعى بٸر مەسەلەسٸ – مەشٸتتٸڭ جانىنان 50-60 ورىندىق مەدرەسە سالۋ بولاتىن. دانيال احمەتوۆ قالالىق ەكٸمدٸككە مەدرەسە عيماراتى ٷشٸن مەشٸتتٸڭ جانىنان جەر بٶلۋدٸ تاپسىردى.
