7 shilde kúni Qazaqstandyq tanymal ánshi Daneliia Tóleshova Ýkrainanyń «Golos.Diti» vokaldyq shoýynyń sýperfinalynda arnaiy qonaq retinde sahnaǵa shyǵady, dep habarlaidy QazAqparat tilshisi.
«Men Kievkke baratyn kúndi taǵatsyzdana kútip júrmin. Sebebi, meniń eń qýanyshty ári jarqyn estelikterim «Golos. Diti» baiqaýymen bailanysty. Jobadaǵy dostarymmen, tálimgerim Dima MONATIK jáne barlyq ýkrainalyq jankúierlerimmen kezdeskim keledi. Meniń olarǵa degen alǵysym sheksiz. Sebebi, olar áli kúnge deiin menimen birge. Ómirimdi baqylap, ónerimdi baǵalap otyrady. Bul joba talantty jastardy shabyttandyrady. Shynailyqqa toly shoýdyń meimany bolý men úshin úlken qurmet!», - deidi ánshi óziniń aldaǵy sapary týraly.
Ýkrainaǵa Daneliianyń ustazy Nataliia Chýrakova da barady. Ol «Golos.Diti» baiqaýynyń osy maýsymyna da balalardy daiyndady.
«Men oilamaǵan jerden konkýrsqa qatysatyn balalardyń daýsyn tyńdaityn pedagogtar tizimine kirdim. Biz komanda bolyp ár úmitkermen jeke-jeke jumys istedik. Olarǵa aqyl-keńes berip, barynsha daiyndadyq. Bul jaǵynan tájirbiem mol. Sebebi, ol shoýdyń qyr-syryn jaqsy meńgerdik. Qatysýshylarǵa nege kóńil aýdarý kerektigin aittyq. Qazaqstandyq talantty balalar aldaǵy baiqaýda ýkrainalyq qazylardy tańqaldyrýy tiis», - deidi jas daryn.
Sondai-aq, Daneliia Tóleshova jaqynda «Jas túlek-2019» mektep festivalinde túlekterdi quttyqtady. Ánshi birneshe qaiyrymdylyq sharalarǵa da atsalysty. Bostonda ótken Cue Ball konferentsiiasyna qatysty.
Esterińizge salaiyq, Almatylyq Daneliia Týleshova 2017 jyly Ýkrinada ótken «Golos.Diti» shoýynda jeńimpaz atanǵan.
