Qazaqstandyq ánshi Daneliia Tóleshova Amerikanyń jas talanttarǵa arnalǵan The World's Best shoýynyń jartylai finalyna ótpei qalýyna qatysty pikir bildirdi, dep habarlaidy QazAqparat.
«Men úshin bul shoý - ómirimdegi kezekti bir kezeń. Kóp nárseni úirenip, biraz nárseni túsindim. Tamasha adam ári pianisshini (Lidiana Nadhasvarama - avt.) shyn júrekten quttyqtaimyn», - dep jazdy Daneliia Tóleshova shoýdyń jartylai finalda óner kórsetkennen keiin Instagramdaǵy paraqshasynda.
Sonymen qatar, jas ánshi otandasy Dimash Qudaibergenniń «jas balalarmen jarysýdan» bas tartyp, óz erkimen shoýdan ketken izgi áreketine tánti bolǵanyn da jasyrmady.
«Dimashtyń izgi áreketine tańǵaldym. Búkil álem onyń naǵyz er-azamatqa laiyqty shynaiy áreketine laiyqty baǵa beredi dep oilaimyn. Biz ártistiń ómirindegi eń bastysy shyǵarmashylyq ekendigin dáleldedik. Sahnaǵa jáne ánińdi aityp beretin adamdarǵa degen mahabbatpen eshteńe de salystyrýǵa kelmeidi. Shyndyǵynda da bul osylai. Sizdiń Kremlde ótetin kontsertińizdegi kezdesýimizdi taǵatsyzdana kútemin», - deidi Daneliia Tóleshova Dimashqa arnaǵan jazbasynda.
