Qazaqstandyq ánshi Daneliia Tóleshova AQSh-ta ótip jatqan America' s Got Talent óner dodasynyń aqtyq synyna joldama aldy, dep habarlaidy "Ult aqparat".
«Daneliia Tóleshova AQSh kórermenderiniń bir táýlik ishinde daýys berý nátijeleri boiynsha favoritter qatarynda boldy jáne álemdik shoý finalynda óner kórsetý múmkindigine ie boldy. Finalǵa ótý úshin synǵa túsken qatysýshylardyń úshtiginde Daneliiamen qatar «Golden buzzer»-diń (qazylar alqasynyń arnaiy qoldaýy) eki iegeri boldy, alaida kórermender qazaqstandyq ánshini qoldady», - dep habarlaidy Daneliia Tóleshovanyń PR-direktory Tatiana Sinenko Feisbýktegi paraqshasynda .
America' s Got Talent 15-kezeńiniń finaly 22 qyrkúiekte NBC telearnasynyń tikelei efirinde ótedi.
«Osy ýaqyt ishinde meni qoldaǵandaryńyz úshin alǵys aitamyn. Bul sheshýshi apta bolady, kóp jumys isteý kerek. Men úmitterińizdi aqtaýǵa tyrysamyn», – dedi Daneliia.
