Qazaqstandyq jas ánshi Daneliia Tóleshova 29 naýryzda AQSh-tyń Hiýston qalasynda bir saǵattyq kontsertin ótkizedi. Bul týraly ánshiniń PR-direktory Tatiana Sinenko málimdedi, dep habarlaidy "Ult aqparat".
«Kontsert kameralyq zalda ótedi. Men, árine, qobaljyp turmyn. Kórermenge tanymal kaver ánderdi oryndaimyn. Avtorlyq ánder de bar. Billi Ailishtiń reperýarynan birneshe án bolady», - dedi ánshi.
Jas ónerpaz Qazaqstanda úlken kontsert ótkizýdi armandap júrgenin aitady.
«Mindetti túrde tek ózimniń ánimdi ǵana oryndaimyn. Erekshe bolady dep sendiremin», - deidi ol.
Ánshiniń fan toptary kontsert biletteriniń sýretimen bólisip jatyr. Oǵan Germaniia, Kanada, Polsha elinen fanattar keledi.
Menedjerdiń aitýynsha, kontsertti uiymdastyrýǵa «Cypress Creek FACE» bilim qory muryndyq bolyp otyr. Bul qor álemdegi shyǵarmashylyqpen ainalysatyn talantty jastardy AQSh sahnasyna shyǵarýmen ainalysady
